Bu gün Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin doğum günüdür. Cənab Prezidenti bu münasibətlə səmimi qəlbdən təbrik edir, Azərbaycan dövlətinin və xalqının davamlı uğurlarının təmin edilməsi istiqamətində yeni-yeni müvəffəqiyyətlər arzu edirəm. 

Çox ciddi siyasi iradə ortaya qoyaraq 30 ildir işğal altında olan Azərbaycan torpaqlarını erməni təcavüzkarlarından azad edən Ali Baş Komandan bir daha bütün dünyaya göstərdi ki, onun bütün amalı və məqsədi Azərbaycanın inkişafını dönməz və sarsılmaz etməkdir. Məhz buna görə də Azərbaycan xalqı bu taleyüklü günlərdə öz Liderinin ətrafında bir yumruq kimi birləşdi, öz Liderinin siyasi iradəsinə dəstəyini bir daha ortaya qoymuş oldu. Heç şübhə yoxdur ki, cənab Prezidentin liderliyi ilə işğaldan azad edilmiş ərazilərdə inkişaf və rifah da ən qısa müddətdə təmin ediləcəkdir. 

9 il əvvəl 50 yaşını Ağcabədidə, o vaxt üçün məcburi köçkün olan həmvətənlərimizlə birlikdə qeyd edən, dünən isə adgünü ərəfəsində işğaldan azad edilmiş Qubadlı və Zəngilan rayonlarına səfər edən Ali Baş Komandan bütün dünyaya açıq mesaj verməkdədir ki, onun üçün Azərbaycan xalqının maraqları hər şeyin üstündədir və heç bir müzakirə mövzusu deyildir. Biz də bu ali hədəflərin əldə olunması istiqamətində cənab Prezidentin ətrafında bir yumruq olaraq birləşmişik və əminik ki, bütün bu hədəflərə ən qısa zamanda nail olacağıq.

Hörmətli cənab Prezident, doğum gününüz mübarək olsun!

Operativ24.az