22:28 Başsız qalan Gəncə-Daşkəsən Regional Mədəniyyət İdarəsi... Muraz Məmmədov qanunsuz əməlləri nə qədər davam edəcək?  |     22:26 Şəhid ailələrini Mahsun Kırmızıgüllə görüşdürdü  |     00:13 Elşən Gəncəvi “Azərbaycan Brendi 2024” mükafatına (Brand of Azerbaijan Awards 2024) mükafatına layiq görülüb  |     14:59 Moody’s Beynəlxalq Reytinq Agentliyi Kapital Bank-ın reytinq qiymətləndirməsini açıqlayıb  |     18:51 Erməni kilsəsi təxribat yuvasına çevrilir | Ədalət Verdiyevin yazısı  |     11:23 “Bakcell” ilə İNNOVASİYA - Həyəcan dolu bir dövr BAŞLADI!  |     16:55 "Nar"dan sərfəli smartfon təklifi  |     22:42 "CineMastercard"da “Qeyri-Centlmen İşlər Nazirliyi” filminin premyeradan öncə nümayişi keçirilib  |     17:23 Tanınmış iş adamı Fikrət Əliyev 4 kəndin qaytarılması ilə bağlı paylaşım etdi  |     16:19 “Nar” Füzulidə yerləşən məktəbə yeni kitablar hədiyyə etdi  |     22:08 Şəhid İlqar Əhmədova həsr olunan kitab təqdim olundu - FOTOLAR  |     21:40 "Ganjavi Holding"in təsisindən 3 il ötür  |     15:26 Zəfərnamə: 4-dən 44-ə  |     20:39 Yoxlamalar başlasın, “həmkar”larımız düşüncə cinayəti törədir - ÇAĞIRIŞ  |     10:46 Daim 23 yaşında qalacaq Albert Aqarunov  |     14:17 Azərbaycan və Gürcüstan xalqları əsrlər boyu Cənubi Qafqaz regionunda dostluq, qardaşlıq, mehriban qonşuluq şəraitində yaşayırlar  |     19:22 Kamilə Əliyeva: "Azərbaycan son dövrlər mütəmadi olaraq nüfuzlu beynəlxalq Forumlara ev sahibliyi edir"  |     11:21 Planlarına ikinci baharı yaşadacaq kredit təklifi!  |     11:20 Qanunvericiliyin tələblərini pozan internet provayderlər barəsində məsuliyyət tədbiri görülüb  |     10:31 Emin Əmrullayev öz qələmini necə qırır... - Üzrü günahından betər  |    
“Loqos” Psixoloji və Nitq Mərkəzi 10 yaşını qeyd edib
Sosial 6.03.2024 176



2 mart “Loqos” Psixoloji və Nitq Mərkəzinin yaranmasının 10 ili tamam olur.
Bu münasibətlə 2 mart 2024-cü il tarixində “Four Seasons” otelində təntənəli yubiley tədbiri keçirilib.

Tədbirdə Azərbaycan Respublikasının İnsan Hüquqları üzrə müvəkkili Səbinə Əliyeva, Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova, Millət vəkilləri Hicran Hüseynova, Anatoliy Rafailov, Məlahət İbrahimqızı, Jalə Əliyeva, Arzu Nağıyev, İlham Məmmədov, Aydın Hüseynov, Tamam Cəfərova, Nigar Arapadarai, Aqil Abbas, Binəqədi Rayon İcra Hakimiyyətinin başçısı Elxan Allahverdiyev, Mətbuat Şurasının sədri Rəşad Məcid, Türkiyə Respublikasının ölkəmizdəki səfiri Cahid Bağçı və xanımı Leyla Bağçı, Şimalı Kipr Türk Respublikasının ölkəmizdəki elçisi Ufuk Turqaner, şəhid General Polad Həşimovun anası Səmayə Həşimova və şəhid ailələri, o cümlədən, Türkiyə və Rusiyadan tədbir üçün dəvət olunmuş qonaqlar, ölkəmizdə fəaliyyət göstərən bir çox dövlət və özəl qurumlarının nümayəndələri, ölkəmizin tanınmış ictimai xadimləri, iş xanımları, həkimlər, qeyri-hökümət təşkilatlarının sədrləri, mətbuat nümayəndələri, “Loqos” Psixoloji və Nitq Mərkəzinin kollektivi iştirak edib.

İlk öncə Azərbaycan Respublikasının Dövlət Himni səsləndirilib, ölkəmizin ərazi bütövlüyü uğrunda canlarından keçən şəhidlərimiz 1 dəqiqəlik sükutla yad edilib.

Daha sonra “Loqos” Psixoloji və Nitq Mərkəzinin 10 illiyinə həsr olunmuş video-çarx təqdim olunub.

Çıxış edən “Loqos” Psixoloji və Nitq Mərkəzinin təsisçisi və rəhbəri, psixologiya üzrə fəlsəfə doktoru Təranə Paşayeva “Loqos”un 10 il öncə yaranması, Mərkəzin bu illər ərzində gördüyü işlər, qazanılan nailiyyətlər haqda tədbir iştirakçılarını məlumatlandırıb və “Loqos”un 10 illik yubileyinə həsr olunmuş “Loqos” elmi-publisistik jurnalı, eləcə də 10 illik hesabatı özündə əks etdirən kitabın təqdimatını edib. Təranə Paşayeva “Loqos” jurnalının 10-cu sayının hər zaman “Loqos”un fəaliyyətini dəstəkləyən, türk dünyasının unudulmaz vətənpərvər xanımı, mərhum Millət vəkili Qənirə Paşayevaya həsr olunduğunu bildirib.

Azərbaycan Respublikasının İnsan Hüquqları üzrə müvəkkili Səbinə Əliyeva çıxış edərək “Loqos” Psixoloji və Nitq Mərkəzinin 10 illik yubileyi münasibətilə Mərkəzin rəhbəri Təranə Paşayeva və kollektivi təbrik edib, fəaliyyətlərində bundan sonra da uğurlar arzu edib. Ombudsman sağlam cəmiyyətin inkişafı istiqamətində “Loqos”un istər paytaxt Bakıda, istərsə də regionlarda gördüyü işləri yüksək qiymətləndirib.

Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova çıxışı zamanı “Loqos” Psixoloji və Nitq Mərkəzinin ölkəmiz və cəmiyyətin inkişafı istiqamətində gördüyü işləri müsbət qiymətləndirərək, müxtəlif layihələr çərçivəsində Komitə ilə Mərkəz arasında birgə görülən işlər haqqında məlumat verib və Komitə adından hazırlanmış xüsusi təbrik məktubunu Təranə Paşayevaya təqdim edib.

Millət vəkilləri Hicran Hüseynova, Anatoliy Rafailov, Jalə Əliyeva çıxış edərək “Loqos” Psixoloji və Nitq Mərkəzinin fəaliyyətini yüksək qiymətləndirdiklərini bildirib və Mərkəzin hər zaman imkansız və ehtiyacı olan ailələrə təmənnasız köməklik göstərdiyini, “Loqos”un ölkəmizin təkcə psixologiya sahəsi üzrə deyil, bir çox sahələrdə fəallıq nümayiş etdirdiyini qeyd edib, bütün “Loqos” kollektivini təbrik edərək yeni nailiyyətlər qazanmağı arzu ediblər.

Şəhid General Polad Həşimovun anası Səmayə Həşimova çıxışında “Loqos” kollektivini bu əlamətdar gün münasibətilə təbrik edib, hər zaman şəhid və itkin ailələrini, qaziləri diqqətdə saxlayan “Loqos” kollektivinə minnətdarlığını bildirib.

Azərbaycanda Qadın Sahibkarlığının İnkişafı Assosiasiyasının sədri Səkinə Babayeva çıxış edərək, AQSİA ilə “Loqos”un arasında illərdir davam edən uzunmüddətli əməkdaşlıq, həyata keçirilən birgə fəaliyyət barədə məlumat verərək, “Loqos”un bu sahədə əhəmiyyətini və ölkəmizdə uğurlu fəaliyyəti barədə öz fikirlərini bölüşüb, yubiley münasibətilə “Loqos” kollektivini ürəkdən təbrik edib.

Şimalı Kipr Türk Respublikasının ölkəmizdəki elçisi Ufuk Turqaner çıxış edərək “Loqos”un yaranması münasibətilə rəhbər Təranə Paşayevanı və bütün kollektivi təbrik edib, uğurlar diləyib. Ufuk Turqaner gələcəkdə Mərkəzin Şimali Kipr Türk Respublikası ilə də əlaqələr quracağına və birgə işlər görəcəyinə inandığını bildirib.

Türkiyə Respublikasının ölkəmizdəki səfirinin xanımı Leyla Bağçı çıxışında iki qardaş ölkə arasında bütün dünyaya nümunə olan münasibətlərdən bəhs edərək, “Loqos” Psixoloji və Nitq Mərkəzinin Türkiyədə bu sahədə fəaliyyət göstərən mərkəzlərlə əməkdaşlığından məmnunluq duyduğunu bildirib və bu əlaqələrin daha da möhkəmlənəcəyindən əmin olduğunu qeyd edib, yubiley münasibətilə kollektivi təbrik edib.

Çıxış edən Dağıstan Qadınlar Birliyinin sədri İntizar Mamutayeva, “Sola Unitas”ın təsisçisi Umut Kısa, “Moodsist Hastane”sinin qurucusu Niyazi Yeşilova, “Loqoped Profi”nin təsisçisi Olesya Jukova və digər qonaqlar Mərkəzin 10 illiyi münasibətilə “Loqos” komandasını təbrik edib, fəaliyyətlərində uğurlar arzu edib, “Loqos”la birgə əməkdaşlıqdan bəhs ediblər.

“Loqos”un rəhbəri Təranə Paşayeva Türkiyə və Rusiyadan qonaqlara Mərkəzlə uzunmüddətli səmərəli əməkdaşlığa görə hazırlanmış xüsusi plaketləri təqdim edib.

Daha sonra “Loqos” Psixoloji və Nitq Mərkəzi ilə Sola Unitas, həmçinin Moodist Hastanesi arasında əməkdaşlıq və birgə fəaliyyəti özündə əks etdirən memorandumlar imzalanıb.

Çıxış edən “Loqos”un baş psixoloqu, psixologiya üzrə fəlsəfə doktoru Elmira Mirzəyeva bütün kollektivi təbrik edib, yubiley tədbirində iştirak edən bütün qonaqlara təşəkkürlərini bildirib.

Tədbir boyunca Azərbaycan Respublikasının Xalq artisti Mələkxanım Əyyubova və Əməkdar artist Nuriyyə Hüseynova mahnılar ifa edib, rəqs ansamblı çıxış edib.

Sonda xatirə fotosu çəkilib.






Starxeber Bizi instagramda izləyin