Operativ24 xəbər verir ki, 5 aprel tarixində Namiq Fərəczadə adına 100 nömrəli məktəbdə şəhidin həyat və döyüş yolundan bəhs edən, ailəsinin, yaxınlarının, döyüş yoldaşlarının, müəllimlərinin İlqar Əhmədovla bağlı xatirələrini bölüşdüyü, şəhidin keçdiyi şərəfli həyat yolu ilə bağlı şeirlərin də daxil edildiyi "İki oğul acısı” kitabının təqdimatı keçirilib.

Təqdimat dövlət himni və Şəhidimizin xatirəsinə bir dəqiqəlik sükutla başlayıb. Daha sonra şəhid və qardaşının həyatını əks etdirən videolent təqdim olunub. Şəhidin ailəsi, Binəqədi Rayon İcra Hakimiyyətinin müavini Sevinc Süleymanova, orta məktəbdə onlara dərs demiş müəllimləri və döyüş yoldaşları söz alaraq xatirələrini bölüşüblər.