Sosial
15.03.2024
485
Elm və təhsil naziri Emin Əmrullayev ən gənc nazirlərdən biridir. 1.5 ildir ki, ölkənin "baş müəllim"i olan Əmrullayev təhsil adamı olsa da, idarəçilik bacarıqları çox zəifdir. Fəaliyyəti dövründə ciddi uğura nail olmayan təhsil funksionerinin dövründə, ancaq müəllimlərin hörmətdən düşməsinin, şagird tərbiyəsizliyinin, gənclərin ideoloji çöküşünün şahidi olmuşuq.
Ölkə təhsili rəsmən çöküb, inkişafı üçün Emin Əmrullayevin vəzifədə qalması üçün istənilən 3-5 illik plan yox, onillik inqilab lazımdır. Əmrullayev təhsil sahəsindəki biliklərini heç cür həyata keçirə bilmir, təhsil hüququndan xəbərsizdir. Yanlış idarəçilik ucbatından sabahı sual altında olan təhsil və ümidsiz gənclik formalaşır.
Müəllim hüququnu, şagird etikasını tənzimləyə bilməyən nazir, kiminsə məsləhəti ilə mətbuat və ictimaiyyətin tənqidlərinə qarşı "layihələr" həyata keçirməyə çalışır. Nazirin bu istiqamətdə ilk rotasiyası 2 sələfi ilə çalışmış Cəsarət Valehovu işdən uzaqlaşdırıb yerinə mətbuatla bir müddətlik burun-buruna gələ biləcək daha gənc Səbuhi adlı nəfəri yerinə təyin etmək oldu. Növbəti layihələr "cızan" zaman mətbuatı aşağılamaq - "palçıq" etmək niyəti ilə TV-lərdə yayımlanan serialların birində sifarişli epizod hazırlanıb. Epizodda özlərinin də xəbəri olmadan müəllimi "razborşik" kimi təqdim ediblər, uşaqların gələcək davalarına zəmin yaradıblar. Bu davalar da məlumdur ki, nə ilə nəticələnə bilər. Zatən məktəblərdə hansı hadisələrin baş verdiyinin zaman-zaman şahidi oluruq.
Emin Əmrullayev səmimi olmağa çalışıb, düzdür, son zamanlar mətbuat konfranslarında say-seçmə mətbuat dəvət olunur ki, baş müəllimə artıq suallar verilməsin. E.Əmrullayevin nazir təyin olunması böyük son dönəmlər gənc kadrlara üstünlük verilməsindən qaynaqlandı. Amma görünən budur ki, gənclər də, funksioner kimi hər zaman özünü doğrultmur. Məncə, baş müəllim rotasiyanı tənqidlərə qarşı yox, təhsilə qarşı, müəllimlərin müdafiəsinə, rahat həyat şəraitinə, şagirdlərin ideologiyasına qarşı təşkil tətbiq etsəydi daha uğurlu olardı. Ancaq hazırda təhsildə uğursuzdur...
Ağa Dadaşzadə