Operativ24.Az xəbər verir ki, Bakı Ağır Cinayətlər Məhkəməsinin hakimi Siyavuş Hacıyevin sədrliyi ilə keçirilən prosesdə Orxan Əliyev 20 il müddətinə azadlıqdan məhrum edilib.

Qeyd edək ki, hadisə bu ilin yanvarında paytaxtın Xətai rayonunda qeydə alınıb.

Belə ki, Orxan Əliyev həyat yoldaşı Nahidə Əliyevanı bıçaqlayıb, daha sonra onun meyitini hamam otağına apararaq vannada qollarını və başını kəsib.

Onu da vurğulayaq ki, Orxan Əliyev, jurnalist “Lider” kanalında aparıcı olan Leyla Əliyevanın kiçik qardaşıdır.

Onun qətlə yetirdiyi həyat yoldaşı isə jurnalistin bibisi qızı olub. 

Verilən məlumata görə, Orxan özü o qədər xoş olmayan həyat tərzi yaşayıb. İddia olunur ki, o, narkotik aludəçisi olub. Bundan başqa o dəfələrlə həyat yoldaşına xəyanət edib. Hətta bir dəfə Orxanın sevgilisi keçmiş “Lider” televiziyasına gələrək onun bacısı Leyla Əliyeva ilə münaqişə yaşayıb. Orxanın sevgilisi olan qadın, Leylaya qardaşını sevdiyini və ailəsinin onları ayıra bilməyəcəyini bildirib. 

Nahidə Həsənova “Lider” kanalı bağlanana qədər, oranın əməkdaşı olub.