Bədii qiraətçi Xəzər Süleymanlı şeir ifasına improvizə etmək fikrindədir. “Xəzər” Televiziyasının “Səhər Mərkəzi” verilişinin qonağı olan şeir ifaçısı bildirib ki, diktor Rafiq Hüseynov kimi sənətkar da təcrübələrində belə yeniliklərə müraciət edib. “Mənim müğənni olmaq fikrim yoxdur. Düşünürəm ki, şeirləri azca zümzümə ilə ifa etsəm, heç də pis alınmayacaq”. Xəzər Süleymanlı yeniliklərə nə vaxtdan başlayacağı haqqında dəqiq açıqlama verməyib. “Səhər Mərkəzi” verilişinin aparıcısı Tural Əsədov ona məşhur aktyor Alen Delonun da “Parole” mahnısında oxşar təcrübəsinin olduğunu xatırladıb.