Bu gün Bakıda Bakı Avrasiya Universitetinin tələbəsinin ürək tutmasından vəfat etməsi barədə xəbər yayıldı.

Operativ24.Az  xəbər verir ki, qəfil vəfat edən Universitetin Filologiya fakültəsinin IV kurs tələbəsi Rüstəmov Rüstəm İlqar oğlu ölümündən bir neçə saat əvvəl səhhətində problem olduğunu, nəfəs ala bilmədiyin, lakin həkimlərin onda ciddi problem olmadığını yazıb.

Sosial şəbəkələrdə status yazan Rüstəm həmçinin "Quran"dan sitat da gətirib(Bəqərə surəsinin 156-ci ayəsindən).
Onun ölümündən az əvvəl yazdığı cümlələri təqdim edirik.

“Nəfəsin nə qədər böyük nemət olduğunu mənim qədər heç kim başa düşməz...

Və hansı həkimə gedirəm deyir, heç nə yoxdu, səndə...

Ala, mən ölüb dirilirəm...”

“İnna lillahi və inna ileyun raciun...”

Qeyd edək ki, Rüstəm Rüstəmov əslən Ləkəran rayonundandır, o rayonda yeniyetməlik vaxtından aktivliyi ilə seçilib, ictimai fəaliyyət göstərib, jurnalist kimi televiziya və saytlarda çalışıb, həmçinin yeni yaradılan Zəfər Tv portalının rəhbəri olub. Yeni Azərbaycan Partiyasının fəal üzvlərindən olan Rüstəm siyasi proqramlara da qatılıb.

Dekabrın 21-də, yəni 2 gün əvvəl o, doğum gününü qeyd edib.

Allah rəhmət eləsin!



(oxu24.com)