DSX-nın qəzaya uğramış helikopterindən sağ çıxan hərbçilər xəstəxanada açıqlama verib.
Operativ24.Az xəbər verir ki, onlar "REAL TV"yə danışıb.
Hadisənin canlı şahidi olanlardan biri - polkovnik-leytenant Emil Cəfərov bunları deyib:
"Eniş yerinə yetirilən zaman qəza baş verdi. Helikopter yerə çırpılanda ikimizi də bayıra atdı. Başqa heç nə yadımda deyil. Helikopterin desant daşıma sayı 24 nəfərdir. Mənim ayağımda əzik var. Sərnişin kabinəsinin giriş yanında idim. Heç bir şübhəli məqam yox idi".
Kapitan Ramil Ədilov bildirib ki, helikopter eniş edəndə qəfildən idarəetməni itirib:
“Hündürdən sürətlə yerə çırpıldıq. Qəza anı saniyə içində baş verdi. Mən qışqırdım və bir də ayıldım ki, buradayam. Heç bir kənar müdaxilə olmayıb. Külək də elə çox deyildi”.