Maqazin
15.11.2021
340
Tovuzun Dondar Quşçu kənd sakini Ramil İsayev Moderator.az-a müraciət edərək Şəbnəm Tovuzludan kömək istəmişdi.
O, şəraitsiz vəziyyətdə yaşadığını, uşaqlarına baxa bilmədiyini qeyd etmişdi. Müğənni Şəbnəm Tovuzlu isə Ramil İsayevə ev tikdirəcəyini bildirmişdi.
İfaçı Moderator.az-a açıqlamasında hazırda Ramil İsayevin ev tikintisinə başlandığını qeyd edib:
“Artıq etdiyim bu cür xeyriyyə işlərimin sayını bilmirəm. Peşəkar səhnədə olduğum zaman kəsiciyində davamlı olaraq xeyriyyə işləri də görürəm.
4 il bundan qabaq İstanbulda 18 min manata bir qadının əliyyatını etdirdim. Bundan başqa 3000 manata bir körpə uşağın qulaq əməliyyatını etdirmişəm. 2-3 il bundan qabaq Qusarda ehtiyacı olan şəxsə iki otaqlı ev tikdirmişəm. Bir ailəyə övlad sevinci bəxş etmək üçün 4000 manata onlara süni mayalanma etdirmişəm.
Yəni bu yardımın neçənci işim olduğunu unutmuşam. Bu məndə çox olur. 3 ildir ki, hər ay 5 ailəyə maaş kimi 300 manat göndərirəm. Ailə olub ki, oğluna nişan üzük ala bilməyib, 2 minə yaxşı bir üzük alıb gönərmişəm. Bunları toplasan bəlkə də 100 000 keçər. Allah şahidimdir. Əgər 5 edirəmsə, 1-ni göstərirəm ki, ağzı göyçəklərin ağzına söz olmayaq. Etdiklərimizi göstəririk deyirlər niyə göstərirsiniz, bir əlin verdiyini o biri əl bilməz. Göstərmirik deyirlər, özünüz qazanıb, özünüz yeyirsiniz, xalqın qayğısına qalmırsınız.
Deputat olsaydım, millət vəkili seçilsəydim bu etdiklərim daha çox önə çıxardı. Amma ifaçıyam deyə bunları deməyə utanıram. Əlbəttə millət vəkillərimiz var ki, neçə illərdir yardımlar, köməkliklər edirlər, dediklərim hər birinə aid deyil, amma edənlər var. Şəxsən bizim millət vəkilimiz Qənirə Paşayeva nə qədər insanlara yardım edir. Onun kimi qadınlarla fəxr etmək lazımdır. Elə Ruhi xanım özü nə qədər yardım edir. Ümumiyyətlə, Tovuzlularda bu kimi jestlər hər zaman çox olur”.