Bəs görəsən tədris yaşının aşağı endirilməsinin müsbət və mənfi tərəfləri nələrdir? 

Bu proses nə vaxtdan həyata keçiriləcək? 

Məsələ ilə bağlı Unikal.org-a açıqlama verən təhsil eksperti Kamran Əsədov bildirdi ki, dünyanın inkişaf etmiş ölkələrində məktəbə cəlbedilmə 5 yaşdan etibarən başlayır. Düzdür, Azərbaycanda 2016-cı ildən orta ümumtəhsil məktəblərinin nəzdində fəaliyyət göstərən məktəbəqədər hazırlıq qruplarında uşaqlar 5 yaşdan etibarən məktəblərə cəlb edilirlər. Bu il 90 minə yaxın şəxs məhz 5 yaşında məktəblərə gedir. Lakin təhsil nazirinin dediyi artıq məktəbəqədər hazırlıq qruplarına yox, birinci sinfə qəbulla bağlıdır”.  

Ekspertin sözlərinə görə, sovetlər dönəmində birinci sinfə qəbul 7 yaşdan olub, Azərbaycanın müstəqilliyindən sonra bu rəqəm 6 yaşa endirildi: “Şagirdlərin fiziki vəziyyəti imkan verir ki, 5 yaşdan etibarən birinci siniflərə qəbul həyata keçirilsin. Bu son dövrlərdəki dərsliklərdə informasiya yükünün çox olması zərurətindən də irəli gəlir. 5 yaşdan etibarən məktəblərə cəlb edilmə orta ümumtəhsil məktəblərində tədris yükünü azaldacaq. Bu, müsbət bir hal və vaxtında atılmış addımdır. Bizim araşdırmamıza görə, cəlbedilmə ən yaxşı halda 2023-cü ildə baş tuta bilər”. 

Könül Oruc