Çin hökuməti ölkəni kompyuter oyunlarındakı kimi idarə etməyə hazırlaşır.

"Sosial kredit" adlanan sistemdə vətəndaşlara başlanğıc olaraq 1000 xal veriləcək.   Siqareti çəkib yerə tulladın, parkı semiçka ilə zibillədin, qıza söz atdın, növbə pozdun, yolda birinə qarşı kobudluq etdin, insanların yanında intim yerlərini qaşıdın, bir sözlə cəmiyyətdəki pis davranışlarınla sənə verilən xallar azalmağa başlayacaq.

  Yaşlının ağır çantasına kömək etdin, əyilib yerdən zibili götürüb zibilqabına atdın, hamilə qadına avtobusda yer verdin, xidmət sektorlarında nəzakətli olmaq kimi nümunəvi vətəndaşlıq borcunu yerinə yetirdikcə xallar artacaq.   Xalları 1000-dən yuxarı artana banklarda güzəştli kredit, marketlərdə endirimli ərzaq, iş karyerasında yüksəliş şansları veriləcəksə, xalları azalana nəqliyyat bileti satılmayacaq, işdən qovulacaq, endirim və güzəştlərdən məhrum olunacaq. Xalı azalmağa doğru gedənlər günü-gündən cəmiyyətdən uzaqlaşdırılacaq, ta ki, özünü toparlayıb xalları qaldırmaq üçün başlayacağı günə qədər.  

Vətəndaşlara ölkənin hər addımına quraşdırılacaq kameralar və dronlarla nəzarət ediləcək, üz tanıma sistemi ilə xallar avtomotik paylanacaq.