Keçirilən qəbulda iştirak edən vətəndaşlardan Nübar Bayramova, Günel Abdullayeva, Ülviyyə Əhmədova, Asiya Babayeva, Səmayə Nəsirova, Aybəniz Ağayeva, Rəhimə Nəzərova, Ayşən Yusifova. Aybəniz Qubadova, Ədilə Həsənova və Dilşad Mütəllimova məhəllədaxili yolların asfaltlaşdırılmasının və küçə işıqlarının quraşdırılmasının, bütün fərdi evlərə telefon və elektrik xətlərinin çəkilişinin başa çatdırılmasının, dayanaqlı yüksəksürətli internet və çoxçeşidli rabitə xidmətlərinin təşkili məqsədilə yeni texnologiyalar əsasında fiber-optik internet xətlərinin çəkilməsinin, əhalinin məşğulluğu üçün yeni iş yerlərinin yaradılmasının, mövcud kanalizasiya xətlərinin yenidən qurulmasının, yeni tikilmiş yaşayış evlərinin kanalizasiyalarının mərkəzi kanalizasiya xətlərinə qoşulmasının, fərdi evlərin sənədləşdirilməsinin, Korgöz daş karxanasının Qaradağ rayonunun və xüsusilə Korgöz qəsəbəsinin ekologiyasına ciddi ziyan vurmasının qarşısının alınması üçün əlaqədar təşkilatlar tərəfindən monitorinqlərin keçirilməsinin və nəticəsinin əhaliyə çatdırılmasının, gənclərin asudə vaxtlarının səmərəli keçirilməsi üçün münasib şəraitin yaradılmasının, sosial təminat və digər məsələlərin vacibliyini xüsusi ilə qeyd etmişlər.

     Müvafiq qurumlara təqdim etmək məqsədilə vətəndaşların müraciətləri millət vəkili Səbinə xanım Xasayeva tərəfindən nəzarətə götürülüb.

           Qəbulda Milli Məclisin deputat köməkçisi Bayram Məmmədov, Qaradağ rayon Korgöz bələdiyyəsinin sədri Rövşən Əbdülbağıyev, Qaradağ rayon İcra hakimiyyəti başçısının Korgöz qəsəbəsi inzibati ərazi dairəsi üzrə nümayəndəsi Ramiz Daşdıyev və qəsəbə nümayəndəliyinin müavini Samir Məstiyev iştirak etmişlər.

    Seçicilərlə mütəmadi olaraq görüşlərin keçirilməsi və  onların qəbul edilməsi deputat Səbinə Xasayevanın  əsas fəaliyyət istiqamətlərindən biridir.