"Birinci Qarabağ müharibəsində mənim edə bilmədiyimi indi oğlum etdi".

Operativ24.Az   "Qafqazinfo"ya istinadən xəbər verir ki, bu sözləri Balakən rayonunundan olan şəhid Əsdiyev Həybullahın atası Məzahir Əsdiyev deyib.

Şəhid Əsdiyev Həybullah Məzahir oğlu 1993-cü ildə Balakən rayonunun Qaysa kəndində doğulub. Uşaqlıqdan vətənpərvər ruhda böyüyən Həybullah ikinci Qarabağ müharibəsinə könüllü olaraq qatılıb. 

Suqovuşanın azad olunmasında qəhrəmancasına vuruşub və oktyabr ayının 14-ü, anadan olduğu gün Ağdərə istiqamətində gedən döyüşlərdə şəhid olub.

Həybullahın atası birinci Qarabağ müharibəsinin iştirakçısı olub. Şəhid atası deyir ki, mənim oğlum və mənim oğlum kimi igidlər bizim miras buraxdığımız işi tamamladılar.

Qeyd edək ki, Həybullah Əsdiyev ölümündən sonra "Vətən uğrunda medalı" ilə təltif olunub.