Bakı 15 yaşlı qızın doqquz aylıq hamilə qalması ilə bağlı aparılan araşdırmalar zamanı onun bir neçə il əvvəl ögey atası tərəfindən təcavüzə uğrayıb.

Bu barədə Oxu.Az-a hüquq-mühafizə orqanları məlumat verib.

Xatırladaq ki, mayın 1-də doqquz aylıq hamilə olan 2005-ci il təvəllüdlü P.R. xəstəxanaya gəlib. Həkimlər doğuşdan sonra qadının vəziyyətini qənaətbəxş hesab ediblər.

Ancaq P.R.-nın yetkinlik yaşına çatmaması, cinsi əlaqə zamanı qızın 14 yaşında olması cinayət işinin başlanmasına zəmin yaradıb. Qızın 24 yaşındakı bir gəncdən hamilə olduğu ortaya çıxıb. Cinsi əlaqənin qızın razılığı ilə baş verdiyi iddia olunur.

Eyni zamanda, 11 yaşında qıza ögey atasının təcavüz etdiyi məlum olub. Hadisə zərərçəkmişin yaşadığı evdə baş verib. Hazırda cinayət işinin materialları hadisənin baş verdiyi əraziyə görə, Suraxanı Rayon Prokurorluğuna göndərilib. Uşağın ögey atası və bioloji atasının cinayət məsuliyyətinə cəlb edilməsi məsələsinə baxılır.