“Avropa Parlamenti antiAzərbaycan, antitürk təşkilata çevrilib. Qətnamənin qəbulu Avropada ermənipərəst qüvvələrin hərəkətə keçdiyini göstərir”.

Hafta.az xəbər verir ki, bunu Milli Məclisin bugünkü iclasında deputat Jalə Əliyeva Avropa Parlamentinin oktyabrın 5-də Azərbaycana qarşı qəbul etdiyi qətnamə ilə bağlı bildirib.

J.Əliyeva bildirib ki, 30 il müddətində Azərbaycan torpaqlarını işğal edib, ərazilərini dağıdan, insanlarını qətl edən Ermənistanın siyasətinə qarşı tənqidi addım atmayan Avropa Parlamentinin bu addımı qərəzli olmaqla yanaşı, Avropa adına biabırçılıqdır.

Onun fikrincə, qurumun sanksiya təklifi ilə çıxış edib, qətnamə qəbul etməsi Azərbaycan qarşısında öhdəlik yaratmır. 

“Azərbaycan öz ərazi bütövlüyünün, suverenliyinin təmin olunması müstəvisində beynəlxalq hüququn tələblərini yerinə yetirməyə davam edəcək”.