Qardaş ölkədə bir sıra film və serialda rol alan Natavan xanım mükafat mərasimi barədə öz fikirlərini və təəssüratlarını Medianews.az ilə bölüşüb. Aktrisa bildirir ki, bu mükafatı sənətinə ara verən analara həsr edib:

Reklamınızı SmartBee ilə effektiv edin.

“Bu mükafatı “Təhminə və Zaur” serialındakı “Təhminə” obrazına görə almışam. Həmin serial 5 il öncə çəkilib. Lakin bu yaxınlarda Türkiyədəki verilişlərin birində qonaq olmuşdum. Bu serialdan söhbət açıldı və Anıl Budak bildirdi ki, serialı izləyəcək. İzlədikdən sonra canlandırdığım obraz çox bəyənildi. Ardından öyrəndim ki, məni də bu mükafata layiq görüblər. Mənə bu mükafatı Anıl Budak təqdim etdi.

Türkiyədə aldığım ilk mükafatım olduğu üçün çox həyəcanlı və olduqca sevincliyəm. Nə xoş mənə ki, qardaş ölkədə işimi uğurla davam etdirib təltif olunuram. Bu çox qürurvericidir.

Bir müddətdir övladıma zaman ayırdığım üçün sənətimlə məşğul ola bilmirdim. Artıq zamanımı öz işimə və kariyerama sərf etməyə üstünlük verirəm. Bu səbəbdən də aldığım mükafatı sənətinə ara verən analara həsr etmişəm”.

Qeyd edək ki, kino, televiziya, musiqi, idman və iş dünyasının nəbzini tutan Community Media ailəsinin mükafat təşkilatlarından biri olan “Beyaz Yakamoz Ödülleri” mərasimi Anıl Budak, Eray Aksoy və Hakan Elkılıçın başçılığı ilə MBA Məktəblərinin Ataşehir Kampusunda təşkil edilib. Natavan Gümet isə “Ən Yaxşı Serial Performansı Mükafatı”-na layiq görülüb.