13:43 “Lohusa” Türk komediyası“CinemaPlus”da  |     17:14 “AQAT-Silver” artıq Gəncədə  |     10:00 CinemaPlus-da “Efsane” filmininin qala gecəsi keçirildi  |     14:17 Rəşad Bayramov: “Azərbaycan gəncliyi yeni zəfərlərə səs verəcək”  |     15:40 Ölkəmizə idxal olunan avtomobillərin əksəriyyəti köhnə olan və tələblərə cavab verməyən avtomobillərdir  |     15:34 Nazirlik rəsmisi: “Nəqliyyat vasitələrinin utilizasiyası prosesinin tətbiqi məqsədilə qanunvericilikdə bir sıra dəyişikliklər edilib”  |     09:04 “Nar” bütün ölkə üzrə satış və xidmət şəbəkəsini genişləndirir  |     15:04 “Nar” kubokunun sahibi “Breyn Rinq”in çempionu oldu  |     15:00 Azərbaycanda gömrük məsələləri üzrə ilk konsaltinq şirkəti fəaliyyətə başlayıb  |     13:53 CinemaPlus-da “3391 Kilometr” filminin Qala gecəsi keçirilib  |     11:58 Nəzərbəy Hacıağayev: "İlham Əliyevin ölkəmizə rəhbərlik etdiyi dönəmdən Azərbaycan və Türkiyə əlaqələri öznün ən yüksək inkişaf mərhələsini yaşamaqdadır"  |     22:11 “Nar” müştəri məmnuniyyəti üzrə beynəlxalq sertifikata layiq görüldü  |     15:59 Zirəddin Rzayev: Burada yaşayırlar, orada ev tikirlər, ölürlər, ev boş qalır  |     18:28 Asif Sayadov: Vinq çun idmanı ilə məşğul olmaq üçün heç bir yaş məhdudiyyəti yoxdur  |     16:18 Mədəniyyət naziri Adil Kərimliyə AÇIQ MƏKTUB….  |     18:30 Bakıda Mərakeşin memarlıq irsindən bəhs edən fotosərgi açılıb  |     13:10 Mərakeşin memarlıq irsi  |     17:06 Ombudsman Aparatının yeni rəsmi internet səhifəsinin təqdimat mərasimi keçirilib  |     12:12 Azərbaycan səhiyyəsinin əfsanəvi və fədakar şəxsiyyəti - Fəxrəddin Cavadov  |     17:07 Bakı 20 saylı Mediasiya Təşkilatının ictimai təqdimat mərasimi baş tutub  |    
Türkiyənin Üsküdar Universitetinin professoru azərbaycanlı rektorlarla görüşdü
Sosial 13.06.2023 179


Türkiyənin Üsküdar Universitetinin məşhur professoru, rektoru Nazife Güngör Azərbaycana səfər etdi. O, səfər çərçivəsində bir neçə universitetlərlə görüşüb ikitərəfli əməkdaşlığa imza atdı.

Belə ki, ilkin olaraq Azərbaycan Dövlət Mədəniyyət və İncəsənət Universitetində (ADMİU) olan rektor, burada professor Ceyran Mahmudova ilə görüşüb. Keçirilən görüşdə qonağa bu ali təhsil ocağı haqqında məlumat verilib. Rektor ADMİU-nun Türkiyənin bir sıra tanınmış universitetləri ilə əməkdaşlıq etdiyini, birgə layihələr həyata keçirdiyini söyləyib. Ceyran Mahmudova Üsküdar Universiteti ilə də ölkələrimizə fayda verəcək və əməkdaşlığı daha da möhkəmləndirəcək layihələr icra ediləcəyinə əminliyini bildirib.


Üsküdar Universitetinin rektoru Nazife Güngör də rektor kimi ilk səfərini Azərbaycana, ADMİU-ya etməkdən məmnun olduğunu bildirib. Tərəflər arasında birlikdə tədqiqat layihələrində iştirak və onların nəticələrini dərc etmək, birgə seminar, konfrans, müsabiqə və tələbələrin şəxsi işlərinin sərgilərinin təşkili, animasiya, audiovizual sənətlər istiqamətində mühazirələrin təşkili üçün aparıcı professorların dəvət olunması, gənc müəllimlərin təliminin təşkili, magistratura və doktorantura proqramları üzrə əməkdaşlıq və sair məsələlər müzakirə edilib.



Daha sonra Nazife Güngör Bakı Dövlət Universitetində (BDU) qonaq olub. Burada Türkiyənin Üsküdar Universiteti arasında elm və təhsil sahəsində akademik əməkdaşlıq protokolu imzalanıb.
Əməkdaşlıq protokolunu BDU-nun rektoru Elçin Babayev və Üsküdar Universitetinin rektoru Nazife Güngör imzalayıblar.


Rektor Elçin Babayev BDU-nun Türkiyənin İzmir Yüksək Texnologiyalar İnstitutu, Bilkent Universiteti, Ankara Universiteti, İstanbul Texniki Universiteti və digər tanınmış universitetləri, həmçinin qardaş ölkənin Elmi və Texnoloji Tədqiqat Şurası (TÜBİTAK) ilə yaxından əməkdaşlıq etdiyini, birgə layihələr həyata keçirdiyini qeyd edib. O, Üsküdar Universiteti ilə də ölkələrimizə fayda verəcək və əməkdaşlığı daha da möhkəmləndirəcək layihələr icra ediləcəyinə əminliyini bildirib.


Üsküdar Universitetinin rektoru Nazife Güngör rektor kimi ilk səfərini Azərbaycana, BDU-ya etməkdən məmnun olduğunu bildirib. O qeyd edib ki, BDU və Üsküdar Universiteti jurnalistika, biologiya, psixologiya, qarşılıqlı maraq doğuran digər təhsil və elm sahələri üzrə tədqiqatlar aparacaq.
Əməkdaşlıq protokolunda ikili diplom proqramları üzrə layihələrin həyata keçirilməsi, akademik heyətin və tələbələrin qarşılıqlı mübadiləsi də nəzərdə tutulur.



Sonda isə Türkiyənin Üsküdar Universitetinin rektoru, professor Nazife Güngörun rəhbərlik etdiyi nümayəndə heyəti Azərbaycan Tibb Universitetində olub.


Qonaqları salamlayan ATU-nun rektoru, professor Gəray Gəraybəyli bildirib ki, son illər qardaş Türkiyə universitetləri ilə ATU arasında əlaqələr daha da genişlənib: “Universitetimizin beynəlxalq əlaqələri günü-gündən inkişaf edir. Bir çox universitetlərin rektorları ilə elə bu zalda əməkdaşlıqlara imza atmışıq. ATU ildən-ilə müasirləşir, tədris prosesi daim təkmilləşdirilir. Buna ən bariz nümunə kimi, 3 ixtisas üzrə beynəlxalq akkreditasiyadan keçməyimizi göstərə bilərəm. O cümlədən ikili diplom məsələləri həmişə diqqət mərkəzindədir. Bütün bu işlər görülərkən tələbələrimizin istək və maraqları nəzərə alınır”.
Görüşdə iki universitetin əməkdaşlıq edə biləcəyi sahələrlə bağlı ətraflı müzakirələr aparılıb. Sonda birgə fəaliyyətin çərçivələrini müəyyən edəcək memorandumun hazırlanıb imzalanması haqda qərar verilib.






Starxeber Bizi instagramda izləyin