13:43 “Lohusa” Türk komediyası“CinemaPlus”da  |     17:14 “AQAT-Silver” artıq Gəncədə  |     10:00 CinemaPlus-da “Efsane” filmininin qala gecəsi keçirildi  |     14:17 Rəşad Bayramov: “Azərbaycan gəncliyi yeni zəfərlərə səs verəcək”  |     15:40 Ölkəmizə idxal olunan avtomobillərin əksəriyyəti köhnə olan və tələblərə cavab verməyən avtomobillərdir  |     15:34 Nazirlik rəsmisi: “Nəqliyyat vasitələrinin utilizasiyası prosesinin tətbiqi məqsədilə qanunvericilikdə bir sıra dəyişikliklər edilib”  |     09:04 “Nar” bütün ölkə üzrə satış və xidmət şəbəkəsini genişləndirir  |     15:04 “Nar” kubokunun sahibi “Breyn Rinq”in çempionu oldu  |     15:00 Azərbaycanda gömrük məsələləri üzrə ilk konsaltinq şirkəti fəaliyyətə başlayıb  |     13:53 CinemaPlus-da “3391 Kilometr” filminin Qala gecəsi keçirilib  |     11:58 Nəzərbəy Hacıağayev: "İlham Əliyevin ölkəmizə rəhbərlik etdiyi dönəmdən Azərbaycan və Türkiyə əlaqələri öznün ən yüksək inkişaf mərhələsini yaşamaqdadır"  |     22:11 “Nar” müştəri məmnuniyyəti üzrə beynəlxalq sertifikata layiq görüldü  |     15:59 Zirəddin Rzayev: Burada yaşayırlar, orada ev tikirlər, ölürlər, ev boş qalır  |     18:28 Asif Sayadov: Vinq çun idmanı ilə məşğul olmaq üçün heç bir yaş məhdudiyyəti yoxdur  |     16:18 Mədəniyyət naziri Adil Kərimliyə AÇIQ MƏKTUB….  |     18:30 Bakıda Mərakeşin memarlıq irsindən bəhs edən fotosərgi açılıb  |     13:10 Mərakeşin memarlıq irsi  |     17:06 Ombudsman Aparatının yeni rəsmi internet səhifəsinin təqdimat mərasimi keçirilib  |     12:12 Azərbaycan səhiyyəsinin əfsanəvi və fədakar şəxsiyyəti - Fəxrəddin Cavadov  |     17:07 Bakı 20 saylı Mediasiya Təşkilatının ictimai təqdimat mərasimi baş tutub  |    
“Abrau-Durso” “Şəki Şərab” zavodunda şərabçılıq muzeyi açır və köpüklənən şərabların istehsalına başlayır
Sosial 12.06.2023 378

9 iyun 2023-cü il tarixdə “Abrau-Durso” Şirkətlər Qrupu Azərbaycanda özünün investisiya fəaliyyətinin nəticələrini nümayiş etdirib – modernləşdirilmiş “Şəki Şərab” zavodunun rəsmi açılışını edib və köpüklənən şərabların süzülməsinin ən yeni xəttini təqdim edib. İstehsalı rəsmi olaraq Azərbaycanın iqtisadiyyat nazirinin müavini Sahib Ələkbərov və “Abrau-Durso” ŞQ-nin sahibi Boris Titov işə salıblar. İnvestor regionda enoturizmin inkişafının mühüm rol oynadığını qeyd edib – müəssisədə “Az Abrau Muzeyi” açılıb, Azərbaycan ərazisində üzümçülük və şərabçılıq tarixini əks etdirən ekspozisiya təqdim olunub. 

“Abrau-Durso” ŞQ Azərbaycanda investisiya layihəsini 2021-ci ilin sonunda elan edib. Həmin vaxt Qrup “Şəki Şərab” şərab zavodunun özəlləşdirilməsi üzrə müsabiqənin qalibi olub. Ötən dövr ərzində “Abrau-Durso” tərəfindən böyük həcmdə işlər görülüb: istehsal prosesi modernləşdirilib, köpüklənən şərabın istehsalı və süzülməsi üçün avadanlıq alınıb və quraşdırılıb, üzüm bağlarının salınması üçün ümumilikdə 430 hektar torpaq sahəsi alınıb, meynələrin əkilməsi üçün hazırlıq işləri görülüb. 
9 iyun tarixində “Şəki Şərab” zavodunda köpüklənən şərab istehsalının saatda 4000 butulka istehsal gücü ilə ən yeni xətti işə salınıb. Süzülən ilk şərab “Abrau International” Azərbaycan ərazisində yetişdirilən yerli və beynəlxalq üzüm sortlarından hazırlanan köpüklənən şərabdır. Köpüklənən şərab həm ölkə ərazisində satışa çıxarılacaq, həm də digər ölkələrə ixrac olunacaq.  
Müəssisənin ərazisində unikal şərab muzeyi – “Az Abrau Muzeyi” açılıb, Azərbaycanda zəngin üzümçülük və şərabçılıq mədəniyyətinin tarixini əks etdirən ekspozisiya təqdim olunub. Muzey öz qonaqları üçün fəaliyyət göstərən müəssisəni ziyarət etmək və şərab istehsalı prosesi ilə tanış olmaq imkanı yaradacaq. “Az Abrau Muzeyi” bu regiona səfərlər üçün mühüm cəlbedici mərkəzə və öz tarixi ilə məşhur olan Şəkidə turistlərin görməli olduğu əsas məkana çevriləcək. 
«Üzümçülük və şərabçılıq Azərbaycan iqtisadiyyatının mühüm inkişaf istiqamətləridir. Ölkəmizin şərabçılıq ənənələrinin 100 ildən çox yaşı var, lakin sahənin inkişafı, bu il Azərbaycanda və onun hüdudlarından kənarda anadan olmasının 100 illiyi geniş qeyd olunan Heydər Əliyevin Azərbaycana rəhbərlik etdiyi ötən əsrin 70-ci illərində xüsusilə geniş vüsət alıb. Bu gün “Abrau-Durso” kimi bu cür bilik və təcrübəyə malik olan investorun cəlb edilməsi müəssisəni yeni səviyyəyə yüksəldir. Regiona həm daxili, həm də xarici turistləri cəlb edən turizm infrastrukturunun inkişafına da diqqət yetirilməsi sevindirici haldır”, - deyə Azərbaycanın iqtisadiyyat nazirinin müavini Sahib Ələkbərov bildirib.
«Biz “Şəki Şərab” zavodunun özəlləşdirilməsi üzrə müsabiqədə qalib olandan indiyədək böyük işlər görmüşük. Bu gün “Abrau-Durso” ŞQ ilkin olaraq təyin edilmiş investisiya məbləğlərini üstələyərək öz öhdəliklərini tam şəkildə yerinə yetirib. Qrup tərəfindən müəssisəyə, resurs bazasına və infrastruktura yatırılan vəsaitlərin ümumi həcmi 6,6 milyon avro təşkil edib. “Abru-Durso” gələcəkdə Azərbaycan ərazisində ilk növbədə burada istehsal olunan şərabların marketinqinə və “1870 Abrau Durso” qastronomiya layihəsinin inkişaf etdirilməsinə diqqət yönəldəcək”, - deyə “Abrau-Durso” ŞQ-nin əsas səhmdarı Boris Titov qeyd edib. 
“Azərbaycanda üzümçülüyün v şərabçılığın inkişaf etdirilməsi bizim qarşımızda duran əsas vəzifələrdən biridir. Biz çox şadıq ki, “Abrau-Durso” Azərbaycanda öz biznes fəaliyyətini genişləndirməyə qərar verib və şərabçılıq zavodu açıb. Əminəm ki, bu şirkətin təcrübə və vərdişləri bizə yeni zirvələrə çatmaq və beynəlxalq bazarlarda şərabçılıq məhsullarımızı uğurla təqdim etmək imkanı yaradacaqdır” – Azərbaycan Respublikasının İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev qeyd edib. 

Tədbirdə, həmçinin Rusiya Federasiyasının Azərbaycan Respublikasındakı fövqəladə və səlahiyyətli səfiri Mixail Boçarnikov, Rusiya Federasiyasının Azərbaycan Respublikasındakı ticarət nümayəndəsi Ruslan Mirsayapov, Şəki şəhər İcra Hakimiyyətinin başçısı Elxan Usubov, Azərbaycan Dövlət Akademik Opera və Balet Teatrının dirijoru Yalçın Adıgözəlov, tanınmış yazıçı Çingiz Abdullayev və digər şəxslər iştirak edib. Tədbirin xüsusi qonağı Rusiyanın məşhur teatr və kino aktyoru Leonid Yarmolnik olub.
Tədbirdə Azərbaycan Respublikasının xalq artisti Yalçın Adıgözəlovun dirijorluğu altında Qara Qarayev adına Dövlət Kamera Orkestrinin və Azərbaycanın unikal “Odlar Yurdu” folklor rəqs ansamblının çıxış etdiyi musiqi proqramı qonaqlara təqdim olunub. Xüsusi olaraq Krasnodar diyarından bu tədbirə təşrif buyurmuş “Kumovya” folk-kvarteti qonaqları Rusiyanın cənubunun musiqi ənənələri ilə tanış edib. 
Arayış: 
“Abrau-Durso” ŞQ-nin Azərbaycanda əldə etdiyi üzümçülük üçün yararlı torpaqların böyük hissəsi Qarabağ iqtisadi zonasının Füzuli rayonunda yerləşir. Burada yerli “mədrəsə” və beynəlxalq “rkatsiteli” sortları əkilib. Hazırda mövcud olan üzüm bağlarının ümumi sahəsi 100 hektar təşkil edir, gələcəkdə əlavə olaraq 300 hektar sahədə də üzüm bağlarının salınması nəzərdə tutulur. Eləcə də Şəki rayonunda şərab zavodunun bilavasitə yaxınlığında yerləşən 30 hektarlıq ikinci sahədə Azərbaycanın “mədrəsə” və “bayanşirə” adlı məşhur üzüm sortlarının əkilməsi planlaşdırılır. 
Bu gün “Şəki Şərab”ın ərazisində Azərbaycanın unikal üzüm sortlarından “Az Abrau” brendi altında şərablar, “Abrau” kolleksiyasının qarışıq şərabları, bu gün isə həm də “Abrau International” şərabı istehsal olunur. 
İnvestisiya layihəsi Azərbaycan Respublikasının İxracın və investisiyaların Təşviqi Agentliyinin – AZPROMO-nun dəstəyi ilə həyata keçirilib. Başladığı andan “Abrau-Durso” ŞQ məhsullarını uğurla Azərbaycana idxal etməyə başlayıb: bu gün köpüklənən və köpüklənməyən ən yaxşı şərablar “Bravo”, “Araz”, “Qurmaniya” və digər əsas ticarət şəbəkələrində, habelə ölkənin aparıcı restoranlarında müştərilərə təqdim olunub. İxrac satışları da fəal şəkildə artmaqdadır: 2021-ci ildən bəri tədarükün həcmi 1,5 milyon butulkadan çox olmuşdur – hazırda “Az Abrau” Azərbaycandan Rusiyaya şərabın ən iri ixracatçısına çevrilib. 
Gələcəkdə “Abrau-Durso”nun Azərbaycan ərazisində fəaliyyətinin mühüm bir istiqaməti onun “1870 Abrau-Durso” qastronomiya layihəsi olacaqdır. Restoranın konsepsiyası qonaqlara köpüklənməyən və köpüklənən “Abrau-Durso” şərabları ilə birlikdə Rusiyanın cənubunun qastronomiya ənənələrini yaradıcı şəkildə dəyərləndirmək imkanını verəcək. Restoranın təqdim etdiyi şərabların siyahısında “Abrau-Durso”, “Az Abrau” və digər şərab zavodlarının mükəmməl şərabları pərakəndə satış qiyməti ilə əlçatandır. Layihənin mühüm bir özəlliyi – qonaqların xoşladıqları şərabı ala biləcəkləri geniş çeşidli mağazadır. Bu gün “1870 Abrau-Durso” restoranları Rusiyanın müxtəlif şəhərlərində - Abrau-Dürso, Moskva, Novorossiysk, Gəlincik və Rostov-na-Donuda, həm də artıq Bakıda, Nizami küçəsi 48 ünvanında uğurla fəaliyyət göstərir.
“Abrau-Durso” Rusiyanın köpüklənən və köpüklənməyən şərablarının aparıcı istehsalçısıdır. “Abrau-Durso”nun xüsusi mülkü 1870-ci ildə imperator II Aleksandrın fərmanı ilə yaradılmışdır. “Abrau-Durso” müxtəlif şərab zavodlarının kolleksiyalarını təqdim edir: “Abrau-Durso”, “Vinodelnya Vedernikov”, “Loza” və s. 2022-ci ilin yekunlarına görə, “Abrau-Durso” 54,1 milyon butulka alkoqollu və alkoqolsuz məhsul satmışdır. 








Starxeber Bizi instagramda izləyin