Maqazin
19.08.2022
226
Məşhur müğənni Afət Fərmanqızı həyat yoldaşı, rusiyalı iş adamı Mamed Nanacanovun soyadını keçdiyini açıqlayıb.
Müğənni rəsmi “Instagram” hesabından həyat yoldaşının bu münasibətlə ona brilliant üzük hədiyyə etdiyini paylaşıb.
Afət Fərmanqızı Cebhe.info-ya açıqlamasında həyat yoldaşının ona brilliant üzüklə yanaşı, ev də hədiyyə etdiyini bildirib:
“Üzüyün qiyməti baha deyil, 300 min rubl, təxminən 4 min dollardır. Əslində üzüyə görə yoldaşımın soyadına keçməmişəm. Ona dedim ki, mənə Moskvadan ev al, sənin soyadına keçim. O da Moskvanın mərkəzində Rublyovdan otel tipli mənzil aldı. Artıq neçə gündür ki, yeni evimin dizaynı ilə məşğuluq. Yoldaşım evi 16 iyunda alıb, amma evin içərisinin tam hazırlanıb, köçməyimiz bu günə təsadüf etdi. Hər şey çox gözəldir, Allaha şükürlər olsun. Rusiyaya köçdükdən sonra 3 ay ərzində bu qədər yeniliklər edəcəyimi heç gözləməzdim. Evin qiyməti isə 300 min dollardır.
Bu ərazi üçün çox böyük qiymət hesab olunmur. Çünki bura Moskvanın bahalı yeridir. Burada Filip Kirkorov və digər rusiyalı ulduzlarla qonşuyam. Bu qiymətə Moskvandan bir az kənardan 4-5 otaq da almaq olar.
Düzdür, mən klassika sevirəm, amma bu evim isə avanqard tiplidir. Hamısı klassika olmalı deyil ki, qoy biri də belə olsun”.
Sənətçi saytımız vasitəsi ilə Rusiyadakı müğənnilərə də təşəkkür edib:
“Burada özümə qarşı çox yüksək mədəniyyət və hörmət gördüm. Hətta burada çoxdan yaşayan xanım müğənnilər məndən nəyəsə ehtiyacım olub-olmadığını soruşublar. Demişəm ki, çox sağolun, hər şey əladır.
Yəni sənət yoldaşlarım öz qollarını mənə geniş açdılar. Üstəlik, çox gözəl qarşılandım və səmimi bir münasibət gördüm. Hər birinə bir daha təşəkkür edirəm!
Burada paxıllıq və söz-söhbət yoxdur. Rusiyadakı şou-biznesdə Azərbaycan şou-biznesindən fərqli olaraq inkişaf var”.