Maqazin
13.08.2022
103
Türkiyədə Qarabağ qaziləri üçün tədbir keçirilir.
Operativ24.Az xəbər verir ki, tədbirə başda Azərbaycan ilə Türkiyə olmaqla, bir çox ölkənin siyasətçiləri və iş adamlarının iştirak etdiyi 2000 nəfər qatılacaq.
Tədbirdə Azərbaycan və Türkiyənin diplomatları, rəsmi şəxsləri iştirak edəcək. Həmçinin, Türkiyədə müalicə alan Qarabağ qaziləri də gecənin xüsusi dəvətliləri arasında yer alacaqlar.
Tədbirin məqsədinin ortaq mədəniyyət və keçmişə sahib türk xalqlarını bir araya gətirmək olduğu açıqlanıb. Bununla yanaşı, gecədə iştirak edən qonaqlara xüsusi mükafatlar da təqdim olunacaq.
Gecəyə gələcək qonaqlar üçün parkinq xidməti də ödənişsiz olacaq. Həmçinin, qonaqlara tədbirə gəlmələri üçün ayrıca avtomobillər də ayrılıb. Konsertdə azərbaycanlı və türkiyəli müğənnilər çıxış edəcək.
Məşhur modelyer Fəxriyyə Xələfovanın iştirakı ilə də milli geyimlərin dəfiləsi də keçiriləcək. Azərbaycan və türk mətbəxinin təamları da qonaqlara təqdim olunacaq.
Konsertdə Elnarə Abdullayeva, Tərlan Novxanı, Nigar Muharrem, Sabina Selcan, Ertuğrul Şakar kimi məşhur simalar iştirak edəcək.
Qeyd edək ki, tədbir 16 sentyabr saat 19:00-da başlayacaq.