Xəbər verdiyimiz kimi, Damlanın bir neçə gün əvvəl oxuyub, klip çəkdirdiyi “Bəs edər” mahnısının müəllifi, Rusiyada yaşayan həmyerlimiz, gənc musiqiçi Nurio ondan icazəsiz təqdim etdiyinə görə müğənnniyə sosial media hesabında sərt mesaj yollayıb. Nurio bildirib ki, nə Damla, nə də onun meneceri Şamil ilə artıq bir neçə gündür ki, əlaqə yarada bilir. Mahnının müəllifi ikilinin üzə çıxıb, bu məsələyə aydınlıq gətirmədikləri halda, məhkəməyə müraciət edəcəyini bildirib.