Maqazin
4.04.2022
384
Bakıda "Location" adlı gecə klubunda 1 nəfərin ölümü ilə nəticələnən partlayışda xəsarət alanlar arasında müğənni Nicat Məhərrəmov da olub.
STARXEBER.AZ xəbər verir ki, ifaçı bu barədə “Instagram” hesabında məlumat verib.
"Baş verən partlayış sadəcə bir kabus idi. İnsanların çarəsizliyi, o partlayışın səsi, ümumilikdə yaşanan bu faciə heç bir zaman gözümdən və ağlımdan getməyəcək. Bütün yaralı olan dostlarıma Allahdan şəfa diləyirəm.
Məni yığıb soruşan, axtaran, arxamca xəstəxanaya gəlib, yanımda olan doğmalarıma, dostlarıma, əzizlərimə təşəkkür edirəm. Allah sizi sevdiklərinizə bağışlasın" – deyə sənətçi qeyd edib.
Xatırladaq ki, partlayış nəticəsində 1 nəfər ölüb, 37 nəfər yaralanıb. Həmçinin 14 avtomobil, 1 mənzil və 2 qeyri-yaşayış obyektinə də ziyan dəyib.