"McDonalds", "Papa Johns" və "Burger King" boykot etmə çağırışlarını hər yerdə görürəm. Bu mövzunu yığışdırın. Düşünürsünüz ki, hazırda bu mövzu Azərbaycanın aktiv sosial şəbəkə istifadəçiləri üçün o qədər önəmlidir?".
Operativ24.Az Axşam.az-a istinadən xəbər verir ki, bu sözləri müğənni Eldar Qasımov sosial şəbəkədə yayımladığı videoda deyib. İfaçı son günlər "McDonalds", "Burger King" və "Papa Johns" restoranlarının Azərbaycanla bağlı paylaşım edib, sonra silməsi ilə bağlı yaranan etirazlardan danışıb:
"İkincisi, bu brendlər ölkəmizdə müqavilələrlə çalışır. Nə olur olsun, onların siyasi mövzulara toxunmalarına icazəsi yoxdur. Düzgün addım deyildi. Amma buna baxmayaraq, Vətəni alçaqlardan azad etmək üçün cəbhəyə gedən, torpaq uğrunda şəhid olan həmkarları üçün paylaşdılar. Çox böyük risk, böyük cərimələrə, məhkəmələrə baxmayaraq bizim üçün bunu etdilər, vətəndaş mövqelərini bildiriblər.
Bu şirkətlərdə minlərlə mənim, sizin kimi azərbaycanlı işləyib evinə çörəkpulu qazanır: ofisiantlar, xadimələr.
Bir nöqsanı görəndə ədalətli olmalıyıq. Bir baxaq görək bu şirkətlər neçə xeyriyyə tədbiri keçiriblər. Bu brendlər mənə və dostlarıma aid deyil. Müharibə və COVİD-19 üçün birləşməliyik. Bölünərək düşməni sevindirməyək".