Bursada sevgilisini küçənin ortasında benzin tökərək yandıran Ümit Varol (31) azadlığa buraxılmasını tələb edib.

Onun Şengül Vatanseveri (35) adlı qadına görüşdən öncə 79 dəfə zəng etdiyi ortaya çıxıb.

Qadın aldığı yanıq xəsarətlərindən hadisə yerində can verib. Şübhəli sevgilisi isə qaçarkən maşını ilə qəzaya düşüb. Varol xəstəxanada müalicə olunduqdan sonra həbsxanaya salınıb.
Ümit ifadəsində "Şengül ilə gecə boyu telefonla danışdıq. Səhərə yaxın Kütahyadan Bursaya gəldim. Görüşüb maşına mindirdim. Yarım saat söhbət etdik. Ailəsinin evlənməyimizi istəmədiyi üçün qəzəbləndim. "Baqaj"da benzin var idi. Benzini qollarıma töküb yerə qoydum. Şengül də götürüb üstünə tökdü. Özümə zərər vermək məqsədi ilə qollarıma od vurdum. Qolum alovlanınca Şengülə od keçdi. Məqsədim özümü yandırıb öldürmək idi. İkimiz birlikdə yandıq. Azadlığa buraxılmağımı tələb edirəm" deyib.