7 saylı Səbail Seçki Dairəsindən deputatlığa namizəd Nigar Arpadarai Səbail rayonunda seçicilərlə görüşüb. Bununla bağlı o, rəsmi feysbuk səhifəsində paylaşım edib.

“Bu gün #Səbail seçiciləri ilə Qafur Məmmədov parkında növbəti görüşümüz baş tutdu. Bütün müraciətləri qeydə aldıq. Görüş zamanı seçicimizin bir müraciəti məni xüsusilə təsirləndirdi. İlahə xanım istedadlı oğlu haqda danışdı. Murad Qafarzadə ABŞ-ın “Oglethorpe University”-nin Astrofizika fakultəsinə qəbul olunub, özünün nəzəriyyəsini təqdim edib. Universitet Muradın “Mutiverse and Wormholes” haqqındaki nəzəriyyəsinə görə, təhsil haqqının 50%- ni öz öhdəsinə götürüb. Muradın anası, İlahə xanım təhsil haqqının çatışmayan hissəsini toplamaq üçün aidiyyatı olan qurumlara müraciət edib. Bu işdə biz də qurumlara müraciət edəcəyik”,- deye o, qeyd edib.