M Ü R A C İ Ə T 

Hörmətli Gəncə şəhərinin sakinləri və mənim dəyərli həmvətənlərim!

Mən, Elşən Gəncəvi – Nəcəfov Elşən Hökumət oğlu, Gəncədə böyüyüb, bu şəhərin mədəniyyətini və dəyərlərini özümə yol yoldaşı seçmişəm. Gəncədə böyümək mənə təkcə bir vətəndaş kimi deyil, həm də insan olaraq kim olduğumu dərk etmək imkanı verdi. Bu şəhərin küçələrində böyüyərək, Gəncənin hər bir daşında və havasında özünü göstərən tarix və mədəniyyətin təsiri altında formalaşmışam. Gəncə mənim üçün sadəcə bir yaşayış yeri deyil; bu şəhər mənim ruhumdur, mənim köklərimi və şəxsiyyətimi formalaşdırıb, məni həyatın hər sahəsində ilhamlandırıb.

Gəncə həm də mənim üçün işgüzar həyatımın mərkəzidir. "Ganjavi Holding"in prezidenti olaraq, şəhərimizin iqtisadiyyatının əsasını təşkil edən kiçik və orta müəssisələrin inkişafına böyük önəm verirəm. Bu müəssisələr təkcə Gəncədə deyil, bütün ölkə boyu iqtisadi inkişafın əsas hərəkətverici qüvvəsidir. Mən inanıram ki, kiçik və orta sahibkarlarımızın üzləşdiyi çətinlikləri aşmaq, onların inkişafı üçün münbit şərait yaratmaq, Gəncə və Azərbaycanın gələcək iqtisadi uğurunun təməlidir. Bu səbəbdən, mənim əsas məqsədim şəhərimizin sahibkarlıq potensialını daha da gücləndirmək, Gəncənin təşəbbüskar ruhunu qorumaq və inkişaf etdirməkdir.

Mən Gəncənin insanlarına, bu şəhərin hər bir vətəndaşına xidmət etmək və onların maraqlarını ən yüksək səviyyədə müdafiə etmək üçün bu yola çıxmışam. Mənim üçün Gəncəni daha da inkişaf etdirmək, onun sosial, iqtisadi və mədəni potensialını tam şəkildə həyata keçirmək, bu şəhərin gələcəyinə olan borcumdur.

Gəlin birlikdə çalışaq, Gəncəmizi daha da inkişaf etdirək və gələcəyimizi birlikdə quraq! Gəncənin adını və ruhunu daim yaşadaq və onun inkişafını təmin edək!

Hörmətlə,

1 sentyabr 2024-cü il tarixində keçiriləcək Milli Məclisə seçkilərdə 39 saylı Gəncə ikinci seçki dairəsindən namizəd Elşən Gəncəvi (Nəcəfov Elşən Hökumət oğlu)

Elşən Gəncəvi "Ganjavi Holding”in prezidenti, "Najafsoy Group”un direktoru, "Ganjavi Media”nın və "Siyasi.az” xəbər portalının baş redaktoru, Demokratik İslahatlar Partiyasının redaksiya komissiyasının üzvüdür.

"Xüsusi Təyinatlıların Qaziləri, Şəhid Ailələri və Veteranları” ictimai birliyinin maliyyə meneceri, "PUBLIC AZERBAIJAN” Konsepsiyasının rəhbəri, "Public” və "Gəncəvi” jurnallarının təsisçisi, "ŞƏFQƏT” Kimsəsiz və Əlil Uşaqlara Yardım ictimai birliyində İctimai və sosial şuranın rəhbəri kimi fəaliyyətlər göstərib.

Elşən Gəncəvi "Oxu-magiya” kitabının müəllifidir. Müxtəlif media qurumlarında iqtisadi, ictimai və sosial mövzularda müəllif yazıları ilə çıxış edir.

Elşən Gəncəvi Gəncə şəhəri, K.D.Uşiniski adına 29 nömrəli tam orta məktəbin məzunu olub. Azərbaycan Dövlət İqtisad Universitetinin "Beynəlxalq İqtisadi Münasibətlər” fakültəsində bakalavr, Rumıniya – Timişoara Qərb Universitetinin "Siyasi Elmlər” fakültəsində magistr təhsilini alıb.

Elşən Gəncəvi – Nəcəfov Elşən Hökumət oğlu 9 fevral 2020-ci il tarixində keçirilən 6-cı çağırış Milli Məclisə seçkilərdə 120 saylı Cəbrayıl-Qubadlı seçki dairəsində namizəd olub.

Elşən Gəncəvi – Nəcəfov Elşən Hökumət oğlu 1 noyabr 2015-ci il tarixində keçirilən 5-ci çağırış Milli Məclisə seçkilərdə 120 saylı Cəbrayıl-Qubadlı seçki dairəsində namizəd olub.

Elşən Gəncəvi müxtəlif dövrlərdə bir çox yerli, beynəlxalq sertifikat və fəxri diplomlarla təltif olunub. İctimai xadim və iş adamı olaraq müxtəlif mükafatlara layiq görülüb.

Tükiyənin İstanbul şəhərində "Altın Melek Ödülleri 2021” layihəsində "YILIN EN BAŞARILI İŞ ADAMI” və "Turkey Exclusive Awards 2022” layihəsində "AZERBAYCANIN BAŞARILI İŞ ADAMI” beynəlxalq nominasiyalar üzrə mükafatlandırılıb.