Siyasət
6.10.2023
377
5 oktyabr tarixində Sumqayıt şəhəri, 11-ci mikrorayon, Çerkassi küçəsində Yeni Azərbaycan Partiyasının təşəbbüsü ilə Sumqayıt şəhər 43 saylı 3-cü seçki dairəsi üzrə vətəndaşlarla və partiya fəalları ilə görüşümüz keçirildi. Görüşdə YAP Sumqayıt şəhər təşkilatının sədri Ramiz Hüseynov və Qızıl Aypara Cəmiyyətinin Sumqayıt şəhər şöbəsinin sədri Metanet Meherremova iştirak edirdi.
Görüşdə 44 günlük Vətən müharibəsi və 23 saatlıq antiterror tədbirlərində qazandığımız zəfərdən bəhs etdik, tarixi torpaqlarımızın düşmən tapdağından azad edilməsi və ərazi bütövlüyümüzün bərpası müzəffər Ali Baş Komandan cənab İlham Əliyevin rəhbərliyi ilə rəşadətli ordumuzun sayəsində mümkün olduğunu diqqətə çatdırdıq.
Görüşdə seçicilərin problemlərini dinlədik və onları maraqlandıran məsələrlə bağlı bir sıra suallara aydınlıq gətirdik. Müraciətlər əsasən ictimai nəqliyyat, məhəllələrin işıqlandırılması, binaların istilik sistemi ilə təchizatı və sosial məsələrlə bağlı idi.
Bizi instagramda izləyin
