Gənclər və idman naziri Fərid Qayıbov aprelin 21-də Serbiyanın idman naziri Zoran Qayiçi qəbul edib. Qonağı salamlayan nazir Fərid Qayıbov onu yenidən Azərbaycanda görməyindən məmnun olduğunu bildirib. Xatırladaq ki, hazırda Serbiyanın idman naziri olan, Olimpiya çempionu Zoran Qayiç vaxtilə voleybol məşqçisi olaraq ölkəmizdə çalışıb. 2022-ci ildə Serbiyanın idman naziri təyin edilmiş Zoran Qayiç 2011-2012 və 2015-2017-ci illərdə “Rabitə” (“Telekom”) voleybol komandasının baş məşqçisi olub. Onun rəhbərliyi altında komanda 2011-ci ildə dünya çempionu və “Top Volley International Cup” turnirinin qalibi olub. 2012-ci ildə isə Azərbaycan çempionu olub.