10:46 Daim 23 yaşında qalacaq Albert Aqarunov  |     14:17 Azərbaycan və Gürcüstan xalqları əsrlər boyu Cənubi Qafqaz regionunda dostluq, qardaşlıq, mehriban qonşuluq şəraitində yaşayırlar  |     19:22 Kamilə Əliyeva: "Azərbaycan son dövrlər mütəmadi olaraq nüfuzlu beynəlxalq Forumlara ev sahibliyi edir"  |     11:21 Planlarına ikinci baharı yaşadacaq kredit təklifi!  |     11:20 Qanunvericiliyin tələblərini pozan internet provayderlər barəsində məsuliyyət tədbiri görülüb  |     10:31 Emin Əmrullayev öz qələmini necə qırır... - Üzrü günahından betər  |     18:13 “Nar” sərfəli mobil operator mövqeyini qoruyur  |     11:43 Şəhid ailələri və qazilərə həsr olunmuş Novruz şənliyi  |     16:06 Kamilə Əliyeva: Azərbaycan Respublikasının Milli Məclisi də ölkəmizdə aparılan islahatlardan kənarda qalmadı  |     14:22 Samirə Qasımovanın doğum günüdür!  |     16:08 Bakı Milli Geyim Evi Parisdə - Qarabağın milli geyimləri nümayiş etdirilib  |     15:27 İlham Əliyev hər zaman Azərbaycan qadınlarının ölkəmizin ictimai-siyasi həyatında fəal rol oynamalarına böyük diqqət ayırır  |     10:38 “Loqos” Psixoloji və Nitq Mərkəzi 10 yaşını qeyd edib  |     17:28 “Nar” Qarabağda infrastrukturun genişləndirilməsi üçün keçirdiyi layihələrə görə mükafata layiq görülüb  |     14:56 “Sağlamlığın Qorunması” İctimai Birliyi və TƏBİB arasında memorandum imzalanıb  |     13:41 “CineMastercard” kinoteatrında çoxdan gözlənilən “Dune 2” ScreenX-də  |     18:24 Ailə, Qadın və Uşaq Problemləri üzrə Dövlət Komitəsi və “AzerGold” QSC arasında birgə əməkdaşlıq haqqında Memorandum imzalanıb  |     18:15 “İMZA”-da yeni təyinatlar olub  |     18:08 Rəna Əkbərova yeni vəzifəyə təyin olunub  |     18:06 Azərbaycan oftalmoloqlarının İndoneziya səfəri başa çatıb  |    
Aİ nümayəndəliyi Beynəlxalq Qadınlar Günü münasibətilə “Güc təcəssüm etdirən qadınlar” kampaniyasına başlayır
Sosial 1.03.2023 187


Bu gün Avropa İttifaqının Azərbaycan nümayəndəliyi Beynəlxalq Qadınlar Gününü qeyd və Azərbaycanda qadınların əldə etdikləri uğurlar, bacarıqlar və gücü açıq etiraf etmək məqsədilə bir ay sürəcək kampaniyanın başlanmasını bəyan etmişdir. “Gənclik” ticarət mərkəzində ictimaiyyət üçün 15 mart tarixinədək nümayiş etdiriləcək interaktiv guşədə baş tutmuş tədbirin açılışında Avropa İttifaqının, həmçinin Avropa İttifaqına üzv ölkələrin Azərbaycan Respublikasında səfirləri və tanınmış Azərbaycan qadınları iştirak etmişdirlər.

“Bu kampaniyanın ismarışı qadın gücünü – qadının can atdığı və ümid etdiyi təşəbbüslərə nail olmaq gücünü açıq şəkildə etiraf etməkdir”, - deyə Avropa İttifaqının Azərbaycan Respublikasında səfiri Petr Mixalko bildirmişdir. “Avropa İttifaqı Beynəlxalq Qadınlar Gününü “Avropa heyəti” qismində, kampaniyamızın siması kimi çıxış və müxtəlif sahələri təmsil edən 20-dən çox Azərbaycan qadını ilə birlikdə qeyd etməkdən qürur hissi keçirir. Məqsədimiz bütün nəsilləri şövqə gətirmək və qadını güclü edən cəhətlər mövzusunda müzakirələrin təşəbbüskarı olmaqdır. Avropa İttifaqı həyata keçirdiyi siyasət və proqramları vasitəsilə cəmiyyətin bütün sahələrində qadınların tam iştirak edə bilmələrinə, həmçinin qadınlar üçün təhsil və məşğulluq imkanlarının artırılmasına şərait yaratmaq məqsədinə qulluq edir”, - deyə səfir Mixalko əlavə etmişdir.

Avropa İttifaqının Azərbaycan nümayəndəliyinin keçirdiyi kampaniyanın simaları mədəniyyət, təhsil, idman, vətəndaş cəmiyyəti, işgüzar dünya, səhiyyə, həmçinin kişi hömranlığının təsbit olunduğu aviasiya və təhlükəsizlik sahələrində çalışan qadınları canlandırırlar.

Kampaniya zamanı “ASAN Radio” 100FM dalğasında yayımlanan “AvropadaASAN” silsilə verilişlərinin birinin qadınlara həsr edilməsi, universitetlərdə təqdimatların keçirilməsi, kampaniyanın simalarını ictimaiyyətə tanıdan reklam lövhələri, Avropa İttifaqının Azərbaycan nümayəndəliyinin və digərlərinin sosial şəbəkə səhifələrində yerləşdiriləcək uğur hekayələri və videolar daxil olmaqla müxtəlif tədbirlər baş tutacaq.

Gender bərabərliyinə təkan vermək üçün Avropa İttifaqı Azərbaycanda qadın və qızların təhsil və məşğulluq nailiyyətlərini artırmaq, bərabər imkan və hüquqlardan yararlanmaq istiqamətində maneə(lər) törədə bilən ümumi gender stereotiplərinin bəzilərinə qarşı qəti tədbirlər görmək məqsədilə bir sıra layihələri dəstəkləyib.

Avropa İttifaqının 2020-2025-ci illər üçün Gender Bərabərliyi Strategiyasında gender əsaslı zorakılığa son qoymaq, gender stereotiplərinin gerçəkliyini şübhəyə almaq, əmək bazarında gender əsaslı fərqləri daraltmaq, iqtisadiyyatın müxtəlif sahələrində bərabər iştirakçılığa nail olmaq, əmək və pensiya haqqında gender əsaslı fərqləri aradan qaldırmaq, qərarvermə proseslərində və siyasətdə gender tarazlığını əldə etmək kimi bir sıra məqsədlər vardır.

Əlavə məlumat üçün Avropa İttifaqının Azərbaycan nümayəndəliyinin mətbuat və informasiya rəhbəri Gülnarə Bayramova ilə Gulnara.BAYRAMOVA@eeas.europa.eu
elektron poçt ünvanı vasitəsilə əlaqə saxlamanız xahiş edilir.







Starxeber Bizi instagramda izləyin