Kəlbəcər rayonundan olan jurnalist Əli Musa Qaçqınların və Məcburi Köçkünlərin İşləri üzrə Dövlət Komitəsinə təklif edərək müraciət edib.

Operativ24 xəbər verir ki, Əli Musa müraciətində bildirib ki, hal-hazırda torpaqlarımız mənfur düşmənlərimizdən azad olunsada dövlətimiz tərəfindən müəyyən müddətə qədər məcburi-köçkünlük statusu ləğv edilməyən, xüsusilə dövlət tərəfindən 60 manat aylıq müavinət(çörək pulu) alan vətəndaşlarımızın hər birindən aidiyyatı üzrə dövlət qurumu olan Qaçqınların və Məcburi Köçkünlərin İşləri üzrə Dövlət Komitəsi tərəfindən tək bircə ay üçün müəyyən miqdarda vəsait tutularaq qardaş Türkiyədə baş vermiş zəlzələ ilə əlaqədar olaraq qardaş ölkəmizə köməklik üçün ianə edilsin.

"Çətin günün ömrü az olar deyiblər: Belə ki,bu çətin və dar gündə hər birimiz bir nəfər kimi qardaş ölkəmizin yanında olmalı öz maddi-mənəvi dəstəyimizi göstərməliyik.

Əminəm ki, etdiyim müraciət komitə tərəfindən yüksək qarşılanacaqdır - deyə Əli Musa əlavə edib.