10:46 Daim 23 yaşında qalacaq Albert Aqarunov  |     14:17 Azərbaycan və Gürcüstan xalqları əsrlər boyu Cənubi Qafqaz regionunda dostluq, qardaşlıq, mehriban qonşuluq şəraitində yaşayırlar  |     19:22 Kamilə Əliyeva: "Azərbaycan son dövrlər mütəmadi olaraq nüfuzlu beynəlxalq Forumlara ev sahibliyi edir"  |     11:21 Planlarına ikinci baharı yaşadacaq kredit təklifi!  |     11:20 Qanunvericiliyin tələblərini pozan internet provayderlər barəsində məsuliyyət tədbiri görülüb  |     10:31 Emin Əmrullayev öz qələmini necə qırır... - Üzrü günahından betər  |     18:13 “Nar” sərfəli mobil operator mövqeyini qoruyur  |     11:43 Şəhid ailələri və qazilərə həsr olunmuş Novruz şənliyi  |     16:06 Kamilə Əliyeva: Azərbaycan Respublikasının Milli Məclisi də ölkəmizdə aparılan islahatlardan kənarda qalmadı  |     14:22 Samirə Qasımovanın doğum günüdür!  |     16:08 Bakı Milli Geyim Evi Parisdə - Qarabağın milli geyimləri nümayiş etdirilib  |     15:27 İlham Əliyev hər zaman Azərbaycan qadınlarının ölkəmizin ictimai-siyasi həyatında fəal rol oynamalarına böyük diqqət ayırır  |     10:38 “Loqos” Psixoloji və Nitq Mərkəzi 10 yaşını qeyd edib  |     17:28 “Nar” Qarabağda infrastrukturun genişləndirilməsi üçün keçirdiyi layihələrə görə mükafata layiq görülüb  |     14:56 “Sağlamlığın Qorunması” İctimai Birliyi və TƏBİB arasında memorandum imzalanıb  |     13:41 “CineMastercard” kinoteatrında çoxdan gözlənilən “Dune 2” ScreenX-də  |     18:24 Ailə, Qadın və Uşaq Problemləri üzrə Dövlət Komitəsi və “AzerGold” QSC arasında birgə əməkdaşlıq haqqında Memorandum imzalanıb  |     18:15 “İMZA”-da yeni təyinatlar olub  |     18:08 Rəna Əkbərova yeni vəzifəyə təyin olunub  |     18:06 Azərbaycan oftalmoloqlarının İndoneziya səfəri başa çatıb  |    
Ombudsman Aparatının rəhbəri Brüsseldə Milli İnsan Hüquqları Təsisatlarının Avropa Şəbəkəsinin Baş Assambleyasının iclasında iştirak edib
Sosial 25.11.2022 198


 Azərbaycan Respublikasının İnsan Hüquqları üzrə Müvəkkili (Ombudsman) Aparatının rəhbəri Aydın Səfixanlı Milli İnsan Hüquqları Təsisatlarının Avropa Şəbəkəsinin (ENNHRI) Baş Assambleyasının Brüssel şəhərində keçirilən toplantısında iştirak edib.
İki gün davam etmiş topantıda müxtəlif milli insan hüquqları təsisatlarının (MİHT) nümayəndələri MİHT-nın insan hüquq və azadlıqlarının müdafiəsi sahəsində əldə etdikləri müsbət təcrübə, çətinliklər və fövqəladə vəziyyətlərdə həyata keçirilən fəaliyyət, bu təsisatların müstəqilliklərinin daha da artırılması və digər mövzularda müzakirələr aparıblar. Tədbir öz işini MİHT-lərin silahlı münaqişələr zamanı, miqrasiya və qaçqınların hüquqlarının müdafiəsi sahəsində roluna, habelə MİHT-lərin sözügedən sahələrdə mövcud təcrübələrinə, təhlükəsizlik və insan hüquqları sahələrinə dair müxtəlif sessiyalarla davam etdirib.
Aparat rəhbəri sözügedən sessiyalar çərçivəsində çıxış edərək, Azərbaycan Ombudsmanının sözügedən istiqamətlər üzrə fəaliyyəti barədə geniş məlumat verib. Daha sonra qaçqın və məcburi köçkün probleminə toxunan A.Səfixanlı Azərbaycanın digər ölkələrdən fərqli olaraq bu problemlə 30 il əvvəl üzləşdiyini və yalnız öz səyləri nəticəsində bu problemin doğurduğu nəticələri aradan qaldırdığını, məcburi köşkünlərin pozulmuş hüquq və azadlıqlarını bərpa etdiyini vurğulayaraq beynəlxalq təşkilatlar və bəzi Avropa ölkələri tərəfindən dünyada mövcud qaçqın və məcburi köçkün probleminə selektiv yanaşmanın qəbuledilməz olduğunu bildirib.  
Postmüharibə dövründə bu kateqoriyadan olan şəxslər üçün əsas problemin Ermənistanın işğalından azad edilmiş ərazilərdə infrastrukturun tamamilə dağıdılması, yeri dəqiq nişanlanmayan çox sayda minaların basdırılması kimi faktlar olduğu vurğulanıb. Eləcə də bütün bunların regionda dayanıqlı sülhə və təhlükəsizliyə böyük zərbə vurmaqla yanaşı, işğaldan azad edilmiş tarixi torpaqlarımızda həyata keçirilən geniş bərpa-quruculuq işlərinə və keçmiş məcburi köçkünlərimizin əzəli ata-baba yurdlarına qayıtmasına maneə yaratdığı qeyd olunub.
Bundan əlavə, Aparat rəhbəri Ukraynadakı müharibə nəticəsində digər ölkələrə pənah aparan qaçqınların hüquqlarının müdafiəsindən danışarkən Azərbaycan Ombudsmanının bu sahədə gördüyü işlər haqqında məlumat verib. O, Ombudsman Aparatı tərəfindən əcnəbilər və vətəndaşlığı olmayan şəxslərin informasiya əldə etmək hüququ ilə bağlı 4 dildə (Azərbaycan, rus, ingilis, Ukrayna) hazırlanmış bukletlərdən söhbət açıb, həmin bukletlərin nüsxələrini toplantı iştirakçılarına təqdim edib, Ombudsman tərəfindən ukraynalı qaçqın uşaqlara göstərilən dəstək barəsində məlumat verib. Azərbaycan Ombudsmanın bu sahədə həyata keçirdiyi fəaliyyət müsbət təcrübə kimi qiymətləndirilib və digər MİHT-nın bu təcrübədən nümunə götürmələri tövsiyə olunub.
Müzakirələr zamanı A.Səfixanlı Ombudsman tərəfindən insan və vətəndaş hüquq və azadlıqlarının daha etibarlı təmini məqsədilə “Azərbaycan Respublikasının İnsan hüquqları üzrə müvəkkili (ombudsman) haqqında” Konstitusiya Qanununa təsisatın səlahiyyətlərinin genişləndirilməsi ilə əlaqədar dəyişikliklərin edilməsinə dair təkliflərin hazırlanaraq Milli Məclisə təqdim edildiyini və həmin təkliflərdən ibarət layihənin birinci oxunuşdan keçdiyini vurğulayıb. 
Mətbuat xidməti    






Starxeber Bizi instagramda izləyin