22:02 “PAŞA Bank”ın tərəfdaşlığı ilə ölkənin ən böyük elektron ticarət konfransı keçiriləcək  |     21:58 "Narkomaniya və məişət zorakılığına qarşı mübarizədə vətəndaş məsuliyyəti" adlı tədbir keçirilib  |     19:02 “CinemaPlus”da media nümayəndələri “Kendi Yolumda” türk komediyasını izləyiblər  |     17:26 “Şuşanın 270 anı” 3 nömrəli tam orta məktəbdə  |     17:22 Sığorta sektorunda ləğv edilmiş lisenziyalar barədə məlumat  |     00:25 Elşən Gəncəvi "Pearls of Azerbaijan 2022" mükafatına layiq görülüb - FOTOLAR  |     13:58 Ombudsmanın yeni nəfəsi  |     17:46 Mədəniyyət Nazirliyinin sistemində olan kitabxanalara işə qəbul üzrə test imtahanı keçirilib  |     19:41 Tatarıstanın idman naziri ASAPES-də olub  |     19:38 AMADA antidopinq və narkotiklə mübarizəyə həsr olunmuş genişmiqyaslı tədbirlər keçirir  |     11:21 “CinemaPlus”da “Bakının açarı” filminin Qala gecəsi keçirilib - VİDEO  |     19:49 Rövşən Nəcəf Türkmənistanın ölkəmizdəki səfiri Qurbanməmmet Elyasovu qəbul edib  |     19:46 “PAŞA Bank”ın tərəfdaşlığı ilə “IV Beynəlxalq Bankçılıq Forumu” keçirilib  |     19:00 AzTV Üzeyir Hacıbəyli barədə film çəkdi – Bəstəkar 18 il niyə heç nə yazmayıb?  |     14:47 Ombudsman Aparatının rəhbəri Brüsseldə Milli İnsan Hüquqları Təsisatlarının Avropa Şəbəkəsinin Baş Assambleyasının iclasında iştirak edib  |     14:45 Şamaxıda toxumçuluğun inkişafına dair beynəlxalq konfrans keçirilib  |     14:44 Ekologiya və təbii sərvətlər naziri Salyanda vətəndaşları qəbul edib  |     12:10 Ekspert: "Kriptovalyutaların alqı-satqısı ilə bağlı "qara bazar" riski var"  |     11:19 XİN Kəlbəcərin azad olunmasının ildönümü münasibətilə Azərbaycan xalqını təbrik edib  |     11:16 Şəfəq Hüseynli Portuqaliyanın Avropa Şurası Antidopinq Konvensiyasına uyğunluğunun monitorinqində iştirak edib  |    
YAP-ın yaranması Azərbaycanın ictimai-siyasi həyatında mühüm rol oynadı
Sosial 21.11.2022 113


Yeni Azərbaycan Partiyasının yaranmasından 30 il keçir. 30 il öncə, 1992-ci ildə Azərbaycanın yeni tarixində mühüm siyasi əhəmiyyəti olan hadisələr arasında Yeni Azərbaycan Partiyasının yaradılması xüsusi yer tutur.

1991-ci ildə SSRİ-nin süqutundan sonra müstəqillik əldə etmiş respublikalardan biri olan Azərbaycanda ilk illər vəziyyət son dərəcə ağır idi. Həmin vaxt ölkəyə rəhbərlik edənlərin siyasi bacarıqlığı onsuz da Azərbaycanda ağır olan vəziyyəti getdikcə dərinləşdirirdi. Ayrı-ayrı şəxslərə xidmət edən qeyri-qanuni silahlı birləşmələrin hegemonluğu, anarxiya və özbaşınalıq xalqın əsəblərini tarıma çəkmişdi. Digər tərəfdən isə mənfur qonşumuz olan ermənilərin torpaqlarımızı hissə-hissə işğal etməsi əhalinin sabaha olan ümidini heçə endirmişdi. Artıq Azərbaycan xalqının başı üstünü qara buludlar almışdı. Ölkə vətəndaş müharibəsi həddinə çatmışdı. Azərbaycana düşmən kəsilmiş qüvvələr, hakimiyyət hərisliyində olan daxili qruplaşmalar və xarici ağalarının tapşırıqlarını can-başla yerinə yetirən satqın və xəyanətkarlar xalqımızı diz çökdürmək niyyətində idilər. Respublikamız açıq-aşkar parçalanmaq, yenicə qazanılmış müstəqilliyimizin məhv olmaq təhlükəsi qarşısında idi. Belə bir məqamda xalqı və respublikanı düşdüyü bu ağır vəziyyətdən xilas etmək üçün ölkə rəhbərliyinə dövlət idarəçiliyində zəngin təcrübəsi olan və milləti öz ətrafında birləşdirməyə qadir şəxsiyyətə böyük ehtiyac yaranmışdı. Azərbaycan tarixi bir mərhələnin astanasında, xalqımız isə “olum ya ölüm” ərəfəsində idi.

Ölkəni bürümüş dərin siyasi, iqtisadi, sosial böhran ziyalıları, zəhmətkeş, vətənpərvər insanları son dərəcə narahat edirdi. Onlar xalqı arxasınca aparmağa qadir, insanlarda inam yarada biləcək siyasi partiyanın təsis olunmasına və həmin təşkilata dövlət idarəçiliyində böyük təcrübəsi olan şəxsiyyətin rəhbərlik etməsinə böyük ehtiyac yarandığını açıq şəkildə bəyan edirdilər. Bu zaman ziyalılar, Azərbaycanın taleyini düşünən insanlar ölkəni böhrandan çıxara biləcək yeni bir partiya yaratmaq təşəbbüsü ilə çıxış edərək, həmişə xalqın, Vətənin, doğma Azərbaycanın gələcəyini düşünən müdrik siyasi lider Heydər Əliyevin şəxsiyyəti ətrafında birləşdilər. Məhz belə bir vaxtda 91 nəfər Azərbaycan ziyalısının imzası ilə Naxçıvana, Heydər Əliyevə müraciət göndərildi. Heydər Əliyevin “91-lər”ə müsbət cavabı çox gecikmədi. Ulu öndər belə bir partiyanın yaranmasına razılıq vermişdi. Həmin vaxt Azərbaycanda hakimiyyətdə olan AXC–Müsavat rəhbərliyi Bakı şəhərində partiyanın təsis konfransının keçirilməsinə icazə vermədiyi üçün 50 nəfər adam burdan Naxçıvan Muxtar Respublikasına getmişdi.

Azərbaycanın bütün regionlarından seçilmiş nümayəndələrin təmsil olunduğu konfrans 1992-ci il noyabrın 21-də Heydər Əliyevin sədrliyi ilə Naxçıvanda keçirildi. Təsis konfransı Yeni Azərbaycan Partiyasının yaradılması haqqında qərar, partiyanın Proqram və Nizamnaməsini qəbul etdi. Konfransda Heydər Əliyev yekdilliklə partiyanın sədri seçildi. Habelə, partiyanın Siyasi Şurası, İdarə Heyəti və sədrin müavinləri seçildi. Beləliklə, müstəqil Azərbaycan tarixində öz üzərində böyük tarixi missiya götürən və xalqımızın həyatında mühüm hadisəyə çevrilən Yeni Azərbaycan Partiyası yarandı.

Ümummilli lider Heydər Əliyevin yolunu layiqincə davam etdirən müzəffər Ali Baş Komandan, cənab Prezident, Yeni Azərbaycan Partiyasının sədri İlham Əliyev əldə edilmiş bütün uğurlarımızda Yeni Azərbaycan Partiyasının, onun üzvlərinin böyük əməyi, zəhmətini qeyd edir.

Bu gün Yeni Azərbaycan Partiyası ölkəmizin aparıcı siyasi qüvvəsi kimi bu böyük məsuliyyəti hiss edir, onu öz üzərinə götürür.

Yeni Azərbaycan Partiyası öz sıralarında 750 mindən çox insanı birləşdirir, onların 40 faizi gənclərdir. Təsadüfi deyil ki, Yeni Azərbaycan Partiyası üzvlərin sayına görə nəinki ölkəmizdə, o cümlədən Cənubi Qafqazda ən böyük partiyadır. Bugün YAP üzvləri müxtəlif sahələrdə ölkəmizin ümumi inkişafına çox böyük töhfələr verirlər. Başqa sözlə, 30 il öncə yaradılan Yeni Azərbaycan Partiyasının yaranması ölkəmizin ictimai-siyasi həyatında mühüm rol oynadı.

Rəşad Bayramov
Yeni Azərbaycan Partiyasının üzvü, ƏPT sədr müavini






Starxeber Bizi instagramda izləyin