Əməkdar artist Nigar Şabanova yeni mahnısını təqdim edib.
Operativ24.Az xəbər verir ki, son günlər ayrılıq xəbərləri ilə gündəmə gələn xanəndə “Ağla xatirə” mahnısını ifa edib və ona video rolik hazırlatdırıb.
Bəstənin musiqisi İlkin Həsən, sözləri Elçin Məhərrəmova məxsusdur. Klipin rejissorluğunu Bahti edib.
Yeni işindən söhbət açan Nigar şəxsi həyatı ilə bağlı danışmayacağını vurğulayıb. “Mən oxumağımla, işlərimlə cavab verirəm” deyə, sənətçi bildirib.