14:16 Bakıda səs yazısı yayılan məktəb direktoru CƏZALANDIRILDI  |     12:08 SON DƏQİQƏ! Tərtərdə iki nəfər MİNAYA DÜŞDÜ  |     10:35 Xatirə İslam "Ömrüm"ə klip çəkdirdi  |     09:59 Ağır qəzada ölən şəxslər hərbçi imiş - Fotolar  |     09:26 Paytaxtda gənc oğlan güllələnib  |     09:24 Azərbaycanda hərbi xidmətə növbəti çağırış başlayıb  |     08:57 Səfərbərlikdən qorxan rusiyalı reper intihar etdi  |     22:52 SON DƏQİQƏ! Füzulidə 2 nəfər minaya düşərək həlak oldu - Biri məktəblidir  |     22:49 Oktyabr ayına olan hava proqnozu  |     20:09 "Dostum Qardaşım" filminin çəkilişləri nə yerdədir? - AÇIQLAMA GƏLDİ (FOTOLAR)  |     17:07 Bir qrup prokurorluq əməkdaşına ali xüsusi rütbələr verilib - Prezidentdən sərəncam  |     16:39 Deputat Səbuhi Əhmədovun qardaşına "Şəhid ailəsi" statusu İSTƏDİ  |     12:39 Xidmət, məsuliyyət! Yeni innovativ imkanların ünvanı - “AZE Consulting” MMC  |     11:40 TƏBİB Rəhim Rəhimlinin ölüm səbəbini açıqlayıb  |     10:51 "Məni yaman günə qoydun" - Rəhimin anası  |     10:47 Müğənni Rəhim Rəhimli ilə vida mərasimi başlayıb - FOTO  |     08:01 Rəhim Rəhimlinin dəfn olunacağı yer açıqlandı  |     07:21 Rəhim Rəhimlinin ölüm səbəbi açıqlandı - Ürəktutmadan vəfat edib  |     06:49 Rəhim Rəhimli dünyasını dəyişdi  |     20:39 SON DƏQİQƏ! Bakıda xəstəxanada qadın intihar ETDİ  |    
Vüsalə vəfat edən qardaşından yazdı: “Param-parça olduğum qara gün”
Maqazin 16.08.2022 50

“15.08.2021... Tam dibə batdığım,param-parça olduğum, amma qanayan yaramı qürurumla möhkəm sarıb davam etdiyim qara gün. Hesabatım var sənə qaragözlüm, ucaboylum, yaraşığına qurban olduğum, sənsiz bir il…” 

Bizim.Media xəbər verir ki, bu sözləri aparıcı Vüsalə Əlizadə sosial şəbəkə hesabında yazıb. 
Aparıcı qardaşı Əlihüseyn Əlizadənin ölümündən bir il ötdüyünü bildirib.  

“Biz yaxşı deyilik, amma yaxşı görünürük, hətta çox yaxşı görünürük. Bacılarla göz-gözə gələndə qaçırırıq gözlərimizi, amma hərdən hönkürüb atırıq qəhərimizi, sən boyda acımız var ürəyimizdə, bir az gileylenirik arxanca, beş bacının qardaşı belə vəfasız olar? Anam gözləyir səni, barışmır yoxluğunla, köhnə mesajlarına hər gün indi yazmısan kimi qulaq asır, budur təsəllisi, paltarlarından alır iyini.  Oğlun Rafael böyüyüb, eynən sən kimidir. Dəcəl, səbirsizdir, cəsur, çox yaraşıqlıdır, güləndə sənin kimi qəmzəsi də var yanağında.

Yadındasan, heç unutmayıb, unutdurmarıq, Hüseynə zəng edək danışım deyir. Hə bax onda bizim xısın-xısın ağlayıb, bir-bir gözündən itdiyimiz məqam.

Ata uzağa gedib, işləyir, sənə pul göndərir, oğlum böyüsün, oxusun, mənim kimi vətənini sevən igid, insan, kişi olsun deyirik, hələki, aldada bilirik… 

Xatırlayırsan, mənim sənə əmanətim vardı - Dilək… Onun adı gələndə gözün dolurdu, deyirdim ki, səndən başqa arxası yoxdur, özüm varam deyirdin, indi sənin adın gələndə onun gözləri dolur, səni ürəyinin ən dərin yerində gizləyib, hələ sənə şeir də yazıb… 
Sevgin - hər şey yarım…Xəyallarda, xatirələrdə, şəkillərdə, puç olmuş arzularda. Yadigarını, soyadını yaşatmağa arxasında yox, yanındayıq… 

Və mən…Başı bəlalı bacın… Hər səhər ”Sən varsan məni görürsən, eşidirsən” deyib, göz yaşımı gizli, zərifliyimi güclü, sıxıntılarımı gülüşümün altındakı qəhərə sığdırdığım bir il yaşadım. Sənə söz verdiyim hər şeyi etdim. Bacardım yenə, öhdəsindən gəldim. Durdum, haqqında hesabat verdiklərim dursun deyə, dedim, güldüm, işimdə daha uğurlu oldum, qurulan bütün şərəfsiz oyunlara, çirkin məqsədlərə lal, kar, kor oldum, çünki dünya axirət sözüm var idi sənə! Nigaran qalma, balan sənin əziyyətinin, Vətən keşiyində qoyduğun canın, zəhmətin haqqı ilə böyüyür, sənin çörəyini yeyir, gözün arxada qalmasın, hər şey var bircə sən yoxsan… 

Bir ananın gözdağı balası, beş bacının can yarısı qardaşı, bir körpənin doymadığı atası, bir sevginin yarısı…” 

Qeyd edək ki, Əlihüseyn Əlizadə Dövlət Sərhəd Xidmətinin zabiti olub. O, avtomobil qəzasında vəfat edib.






Starxeber Bizi instagramda izləyin