Fövqəladə Hallar Nazirliyi çimərliyə gedən şəxslərə xəbərdarlıq edib.
Operativ24.Az xəbər verir ki, nazirliyinin əməkdaşı Əlibala Əlizadənin sözlərinə görə, son zamanlar havaların istiləşməsi ilə bağlı dənizə gələnlərin sayında artım müşahidə olunub.
“Vətəndaşlara xəbərdarlıq etmək istəyirik ki, istirahət zamanı öz təhlükəsizliklərinə diqqət yetirsinlər. Əvvəlcədən gedəcəkləri çimərliklə bağlı məlumatlı olsunlar. Çimərlikdə FHN əməkdaşları tərəfindən təhlükəsizlik tədbirlərinin görülməsi və nəzarət işinin təşkil olunmasına xüsusi diqqət yetirsinlər”, – deyə o qeyd edib.