“ARB" kanalında yayımlanan "Həmin Zaur" verilişində  aparıcı Zaur Kamal və cənubi azərbaycanlı müğənni Afşin Azəri arasında mübahisə yaranıb. 

Zaur Kamal müğənninin efirdən kənarda olan söhbətdə onun digər cənubi azərbaycanlı müğənnilərindən daha yaxşı oxuduğunu, özünü onlardan üstün tutduğunu iddia edib. 

Aparıcının sözlərinə görə, Afşin Azəri müğənni Əli Purmehr haqqında bunları deyib: “Əli Purmehr kimdir ki, mənim yanımda, mən İranda səhnələri doldururam”. 

Müğənni isə danışdıqlarını xatırlamadığını və bunların iki kişi arasında qalmalı olduğunu dilə gətirib. Bundan sonra mübahisə böyüyüb və aparıcı qonağı efirdən kənarlaşdırıb. 

Məsələ ilə bağlı Cebhe.info-ya açıqlamasında Əli Purmehr deyib ki, adam gördüyü işlərdən danışsa, daha yaxşı olar: 

“Kimin nə iş gördüyü göz qabağındadır. Millət də bunu bilir. Hər kəsin bir fikri var, o da fikrini bildirib. Azərbaycanda tanındığımı bilirəm. Mən Azərbaycanı və millətini sevirəm. İşimi görməyə üstünlük verirəm. Adam işindən danışsa, daha yaxşıdır. İş özü deyir də kiməm, nəyəm, sənətim nədir. Başqa şey lazım deyil”. 
Günay Şahmar