08:04 Ankaranı su basdı: Ölən var  |     08:02 Azərbaycanlı qadın Rusiyada azyaşlı uşaqları ilə intihar etdi  |     08:00 Özündən 12 il böyük qadınla evləndi,Müslüm Moqamayevlə düşmən düşdü -Polad Bülbüloğlu haqda bilmədiklərimiz  |     07:52 Nadir Qafarzadə Zauru müdafiə etdi: “Bu “çuşka”ları az mindirin başımıza”  |     00:19 SON DƏQİQƏ! Bakıda 17 yaşlı oğlan Sevdiyi qıza görə özünü ASDI  |     00:12 MTV Kərimin efirdə qadınları təhqir etməsinə görə cərimələndi  |     23:42 Flora Kərimova-Afət Fərmanqızı davası - 100 min təzminat tələb edir  |     23:21 Vətən müharibəsi qazisinə toyunda mənzil hədiyyə edildi  |     23:16 İntihar edən həkimin qonşuları elə şeylər danışdılar ki...- Gizli səs yazıları  |     23:14 Ukrayna azad etdiyi İlan adasına qoşun yerləşdirməyə hazırlaşır  |     22:50 Son 5 ay ərzində ölkəmizə 15 min tondan çox ət idxal olunub  |     19:51 Türkan Şoray Cüneyt Arkınla belə vidalaşdı  |     19:41 Bu gün Rəqsanənin qızı Aysunun TOYUDUR - VİDEO  |     19:24 Sevinc Məmmədova instaqrama qayıtdı  |     19:04 Selçuk Bayraktar xanımı ilə Şuşadan yeni fotolar paylaşdı  |     19:00 Azərbaycanda daha bir avtobus qalmaqalı: Yanındakı qadına porno izlətdi - VİDEO  |     16:21 Vüsalədən Zaur Kamala dəstək: “Mən də olsam, o addımı atardım” - ÖZƏL  |     15:50 Daha 7000 nəfərə "Müharibə veteranı" adı verilib  |     15:48 Hava kəskin dəyişir iyulun 01-dən 03-ü səhərədək Bakıda güclü külək əsəcək - XƏBƏRDARLIQ  |     15:07 Afşin Azərinin Zaur Kamala pislədiyi Əli Purmehrdən cavab gecikmədi  |    

Aqil Abbas: “Deyəsən, sərhədləri açana söyüş qoyublar”

Siyasət 22.06.2022 300

Bütün dünya sərhədləri açıb, qapıbir qonşumuz Gürcüstan lap çoxdan açıb. Yay, turizm vaxtı… Gürcüstanın da çörəyi turizmdən çıxır. Deyirlər, ovu bərədə vurarlar. Biz o ovu çoxdan qaçırtmışıq. Söhbət turistdən gedir.


Srağagün dəniz kənarındaydım, bulvarda gəzirdim. Həmişə bu vaxtlar dəniz kənarı İrandan, Cənubi Azərbaycandan gələn turistlərdən aşıb-daşırdı. Eləcə də ərəb ölkələrindən.

Bir saat gəzdim, gözümə bir dənə də turist dəymədi. Sərhədlərimizi nə təhər bağlamışıqsa quş quşluğuyla keçə bilmir. Düzdür, arada erməni güllələri sərhədyanı kəndlərimizə keçə bilir.

Türkiyədə 20 min azərbaycanlı tələbə oxuyur. Bu yay onların evlərinə gəlməsi sual altındadı. Bunun nə qədəri «çerez» Naxçıvan gələ bilər? Uzaqbaşı beş-on faizi. Türkiyə ingiltərə deyil, Fransa deyil, Almaniya deyil, Amerika deyil ki, orda təyyarə bileti almağa imkanı olan varlı ailələrin uşaqları oxusun. Qardaş ölkədə təhsil alanlar əsasən kasıb-kusubun balalarıdı.

Qəzetlərdə, saytlarda da tez-tez yazırlar: «Şad xəbər! Sərhədlər açılacaq. Açıqlama»; «Sərhədlər açılır» və sair və ilaxır. Heç biri də rəsmi açıqlama deyil. Ya bir ekspertin fikridi, ya da bir deputatın fərziyyəsidi.

Deyəsən, sərhədlərin açılmasına kimsə möhkəm söyüş qoyub, özü də pis söyüş. Ona görə də Operativ Qərargah sərhədləri açmaqdan çəkinir, söyüş sahibi olmaq istəmir.

Uşaq vaxtı belə bir şey vardı – biri o birisinə söyəndə söyülən tez bir dəmir parçasından tutub deyirdi: «Əlim dəmirdə». Mənası o idi ki, yəni əlim dəmirdədisə söyüş mənə yox, söyənə çatır.

İndi Operativ Qərargah, bəlkə siz də əlinizi dəmirə qoyasınız, sərhədləri açasınız.

Turistlərin xətrinə yox ey, Azərbaycandan kənarda qalan və Vətənə gəlmək üçün ləlöy döyən kasıb-kusub soydaşlarımızın xətrinə.

Zəngəzur dəhlizi də hələ açılmır ki, gedək İrəvandan uçaq.






Starxeber Bizi instagramda izləyin




Bütün Xəbərlər