10:46 Daim 23 yaşında qalacaq Albert Aqarunov  |     14:17 Azərbaycan və Gürcüstan xalqları əsrlər boyu Cənubi Qafqaz regionunda dostluq, qardaşlıq, mehriban qonşuluq şəraitində yaşayırlar  |     19:22 Kamilə Əliyeva: "Azərbaycan son dövrlər mütəmadi olaraq nüfuzlu beynəlxalq Forumlara ev sahibliyi edir"  |     11:21 Planlarına ikinci baharı yaşadacaq kredit təklifi!  |     11:20 Qanunvericiliyin tələblərini pozan internet provayderlər barəsində məsuliyyət tədbiri görülüb  |     10:31 Emin Əmrullayev öz qələmini necə qırır... - Üzrü günahından betər  |     18:13 “Nar” sərfəli mobil operator mövqeyini qoruyur  |     11:43 Şəhid ailələri və qazilərə həsr olunmuş Novruz şənliyi  |     16:06 Kamilə Əliyeva: Azərbaycan Respublikasının Milli Məclisi də ölkəmizdə aparılan islahatlardan kənarda qalmadı  |     14:22 Samirə Qasımovanın doğum günüdür!  |     16:08 Bakı Milli Geyim Evi Parisdə - Qarabağın milli geyimləri nümayiş etdirilib  |     15:27 İlham Əliyev hər zaman Azərbaycan qadınlarının ölkəmizin ictimai-siyasi həyatında fəal rol oynamalarına böyük diqqət ayırır  |     10:38 “Loqos” Psixoloji və Nitq Mərkəzi 10 yaşını qeyd edib  |     17:28 “Nar” Qarabağda infrastrukturun genişləndirilməsi üçün keçirdiyi layihələrə görə mükafata layiq görülüb  |     14:56 “Sağlamlığın Qorunması” İctimai Birliyi və TƏBİB arasında memorandum imzalanıb  |     13:41 “CineMastercard” kinoteatrında çoxdan gözlənilən “Dune 2” ScreenX-də  |     18:24 Ailə, Qadın və Uşaq Problemləri üzrə Dövlət Komitəsi və “AzerGold” QSC arasında birgə əməkdaşlıq haqqında Memorandum imzalanıb  |     18:15 “İMZA”-da yeni təyinatlar olub  |     18:08 Rəna Əkbərova yeni vəzifəyə təyin olunub  |     18:06 Azərbaycan oftalmoloqlarının İndoneziya səfəri başa çatıb  |    
Xəstə övladını Türkiyəyə aparan azərbaycanlı ailənin başına OYUN AÇDILAR
Sosial 17.06.2022 215

Autizmli qızlarının təhsili üçün İstanbula gedən azərbaycanlı ailəyə qarşı dələduzluq edilib.


Lent.az-ın məlumatına görə, Bahar Niyazova və Qədir Niyazov 2017-ci ildə autizmli qızlarının daha yaxşı şəraitdə təhsil alması üçün İstanbula gediblər. Dostlarının məsləhəti ilə qızlarını xüsusi təhsil və reabilitasiya mərkəzinə göndərən ailə burada S.B. adlı müəllimlə tanış olublar. Bir müddət sonra S.B. ayda min dollara (təxminən 1700 manat) evdə qızlarına dərs deməyə başlayıb. İki ildir qızlarına təlim keçən S.B ailəyə birlikdə xüsusi təhsil və reabilitasiya mərkəzi açmaq təklifi edib. Təklifə razı olan həmyerlilərimiz Azərbaycandakı evlərini sataraq 60 min dollar (təxminən 102 min manat) pullarını S.B-yə təhvil veriblər.

Daha sonra S.B Türkiyə vətəndaşı olmadıqlarına görə, azərbaycanlı ailə ilə rəsmi ortaq ola bilməyəcəklərini deyib. S.B. aralarında notariat qaydasında təsdiq edilmiş xüsusi müqavilə bağlayacaqlarını, lakin təlim mərkəzini öz adına açmalı olduğunu bildirib. Ailə bu müddət ərzində Azərbaycana gəlib və qayıdıb. Ancaq bu müddətdə S.B.-dən həmin notariat sənədini ala bilməyiblər. Vəziyyətdən şübhələnən ailə Başakşəhərdəki “şərikli” açdıqları reabilitasiya mərkəzinə gediblər. Ancaq burada onlar aldadıldıqlarını başa düşüblər. Həmyerlilərimiz son ümidi hüquq-mühafizə orqanlarına müraciətdə görüblər. Beləliklə onlar prokurorluğa üz tutublar və hazırda məhkəmə prosesinin yekununu gözləyirlər.

Bahar Niyazova şikayət məktubunda 2 il evlərinə gələn və autizm xəstəsi olan qızına fərdi dərs deyən S.B.-yə çox güvəndiklərini ifadə edərək, “Ailə üzvümüz kimi idi. Davamlı olaraq bizə şərikli reabilitasiya mərkəzi açmağı təklif edirdi. Biz də ona inanıb əmin olduq. Əcnəbi olduğumuz üçün məktəbi öz adına açacağını dedi. Aramızda notariusda sənədlər imzalayacaq və şərik olduğumuz üçün üzərimizə düşən pul hissəsini qoyacaqdıq. Həmin mərkəz pulsuz xidmət göstərəcəkdi. Mənim qızım da orada təhsil alacaqdı. Qızımı xilas etmək üçün bu yola çıxmışdıq” deyib.

Niyazova bildirib ki, əri Azərbaycandadır və ona görə də bütün işləri S.B. öz üzərinə götürüb: “Bizi aldatdılar. Dedilər ki, sənin adın Milli Təhsil qeydlərində olmayacaq, amma öz aramızda notariusda müqavilə bağlayacağıq. Şərikli biznesə pul qoymaq üçün Bakıdakı evimizi də satdıq. Sənədi istəyəndə o, davamlı olaraq vaxt uzadırdı. Biz ondan elektron poçtla göndərməsini istədikdə, qəbul etmədi və dedi ki, guya həmin sənəddən onun əleyhinə istifadə edə bilərik. O zaman niyyətinin pis olduğunu anladıq. Sonra gördük ki, rəsmi əməliyyatlar apararaq, reabilitasiya mərkəzini açıblar”.

Zərərçəkmiş həmçinin bildirib ki, S.B. 2016-cı ildə cinayətkar olduğu üçün müəllimlikdən qovulubmuş:

“Lakin mən övladımı ona etibar etmişdim. Mən bu vəziyyətdən şikayətçiyəm. Qızımın təhsilsizliyindən də şikayətçiyəm. Məni ən yaxşı bu vəziyyətdə uşaqlı analar başa düşür”.

Hazırda iş üzrə məhkəmə istintaqı davam edir.






Starxeber Bizi instagramda izləyin