Operativ24.Az  xəbər verir ki, Bakı Ağır Cinayətlər Məhkəməsinin hakimi Cavid Hüseynovun sədrliyi ilə keçirilən prosesdə təqsirləndirilən şəxsin vəkilləri Seymur Kərimov və Ayaz Məmmədzadə müdafiə çıxışları ediblər.

Müdafiəçilər hesab ediblər ki, təqsirləndirilən şəxsin cinayət əməlini törətməsi sübuta yetirilmədiyindən ona bəraət hökmü çıxarılmalıdır:

“Təqsirləndirilən şəxs ikinci Qarabağ Müharibəsinin iştirakçısıdır. Müəyyən psixoloji və fizioloji travmaları var və bu ekspertiza rəyinin əsaslandırıcı hissəsində də öz əksini tapıb. Bundan əlavə, polislərin məhkəmə istintaqında dindirilməsi zamanı demək olar ki, hadisəni xatırlamadıqları, həmçinin, onların istintaqa verdikləri ifadələrlə, məhkəmədə verdikləri ifadələri arasında ziddiyətlər olduğu aşkar edilib”.

Daha sonra Elşad Zülfüqarlıya hökm oxunub və o, 6 il müddətinə azadlıqdan məhrum edilib.

İttihama əsasən, hadisə ötən ilin oktyabrında Qaradağ rayonu Qobustan qəsəbəsində qeydə alınıb.

Belə ki, E. Zülfüqarlı polis əməkdaşları tərəfindən Qaradağ rayonu, Qobustan qəsəbəsi massiv 1, ev 66 saylı binanın yaxınlığında saxlanılıb.

O, Qaradağ Rayon Polis İdarəsinin 11-ci Polis Bölməsinə gətirilib və üzərində aparılan şəxsi axtarış və götürmə zamanı 1 ədəd təmiz çəkisi 4, 350 qram kustar üsulla hazırlanmışm narkotik vasitə heroin, eyni zamanda, yaşadığı evdən 204, 650 qram küstar üsulla hazırlanmış narkotik vasitə heroin aşkar edilərək götürülüb.

Qeyd edək ki, Zülfüqarlı Elşad Rövşən oğlu 2-ci Qarabağ müharibəsinin iştirakçısı olub. O, “Suqovuşanın azad edilməsinə görə” medalı ilə təltif edilib.