12:13 Bakıda taksi sürücüsü ilə sərnişin xanım mübahisə etdi, İŞ POLİSƏ GETDİ  |     11:12 ““Milyonçu” mənə heç nə qazandırmadı”  |     09:29 SON DƏQİQƏ! Kəlbəcərdə mövqelərimiz intensiv atəşə tutulub  |     08:46 Məşhur türkiyəli aparıcı 39 yaşında vəfat etdi  |     07:28 Rusiya Gürcüstanla quru sərhədini açdı  |     21:59 İcbari tibbi sığorta ilə müayinədən keçmək istəyənlərin NƏZƏRİNƏ  |     21:53 “17 dəqiqə ərzində 600 milyon insan məhv olacaq” - BƏŞƏRİYYƏT TƏHLÜKƏDƏ  |     21:49 Aviabiletlərin qiymətləri ucuzlaşmaq bilmir  |     21:31 Bekhemin qızını oğurlamaq istədilər  |     21:21 “Mənim üçün insanın yaş anlayışı yoxdur" - Altmış yaşlı əməkdar artistdən maarqlı etiraf  |     21:17 “Atamın sözündən çıxa bilmədim, bir dəfə toya getdim, çıxanda gördüm ki...”  |     20:55 “Qadınla-kişi arasında söz-söhbət olubsa, günah kişidədir” - Elton  |     20:51 Brilliant Dadaşova yenə Laləni onu təkrarlamaqda günahlandırdı  |     18:14 Şagirdlərin nəzərinə: İmtahanların nəticələri ELAN olundu  |     17:46 Azərbaycanlı aktrisaya bir gündə iki SÜRPRİZ: Evlilik təklifi və lüks avtomobil  |     17:00 Azərbaycanda gözəllik müsabiqəsinin qalibi tənqid olundu  |     16:58 "İndi Günayla Sevda boşqab, şüşə, qəlb sındırırlar"  |     16:55 Zelenski Azərbaycan əsilli komandirə "Ukrayna Qəhrəmanı" adı verib  |     14:11 Medianews.az saytı yeni dizaynda  |     11:42 Zakir Qaralovun şirkətlərinin külli miqdarda vergi borcu üzə çıxdı  |    

Yay aylarında Azərbaycanda koronavirusun güclü dalğası gözlənilir - Gürcü ekspert

Koronavirus 13.05.2022 318

Biz pandemiya ilə mübarizə aparırıq və bu, qlobal məsələdir. Dünyada baş verən hadisələri, statistikanı izləmək lazımdır. Bu, hörümçək toruna bənzəyir - bir hissədə tərpəniş baş verirsə, sonra bütün şəbəkəyə yayılır.


Operativ24.A medicina.az-a istinadən bildirir ki, hazırda Parisdə olan ictimai səhiyyə eksperti, Vaksinlər və İmmunlaşdırma üzrə Qlobal Alyansın (GAVI) müşaviri və BMT baş katibinin keçmiş müşaviri, professor Georgi Pxakadze Oxu.Az-a müsahibəsində qeyd edib ki, hamı ümid edir ki, koronavirus "qəfil ölsün":

"Amma təəssüf ki, bu baş vermədi. İndi fırtınadan əvvəlki sükut hökm sürür, mən indiki vəziyyəti belə adlandırardım. Bölgəmizdə - Gürcüstan və Azərbaycanda, qardaş dövlətlərdə koronavirusa yoluxma hallarının növbəti dalğası çox tezliklə, iyun-iyul aylarında gözlənilməlidir.
Biz pandemiya ilə mübarizə aparırıq və bu, qlobal məsələdir. Dünyada baş verən hadisələri, statistikanı izləmək lazımdır. Bu, hörümçək toruna bənzəyir - bir hissədə tərpəniş baş verirsə, sonra bütün şəbəkəyə yayılır.
Baxın, indi Asiyada nələr baş verir. Çində COVID-19-a yoluxma halları artıb, onlar artıq nə edəcəklərini bilmirlər. Şanxay və Quançjou kimi şəhərlər tamamilə bağlanıb, Pekin də lokdauna doğru gedir.

Cəmi bir ay əvvəl Honkonqda epidemiya fəlakət həddinə çatdı. Ölənlər o qədər çox idi ki, yerli morqlarda yer qalmamışdı. Ölənləri soyuducularda saxlayırdılar. Və bu, yenə də təkrar edirəm, bir ay əvvəl idi. Üstəlik, Honkonq Vyetnam və Laos deyil, bu, güclü infrastrukturu və səhiyyəsi olan inkişaf etmiş bir şəhərdir.

Gəlin görək Afrikada nələr baş verir. İki həftədən çoxdur ki, orada yoluxma sayında artım var və hələ üç həftə əvvəl vəziyyət sabit idi.

İndi keçək Avropaya, burada əhalinin 80%-i beş yaşından başlayaraq, xüsusilə qeyd edirəm, protokol üzrə, əsas da xroniki xəstəlikləri olanlar üç, dörd, bəziləri isə beş dəfə peyvənd olunurlar. Bəs bizdə vəziyyət necədir? İndi sizinlə danışdığımız gün Parisdə 150 nəfər koronavirusdan öldü. Bu, koronavirus xəstələrinin xəstəxanaya yerləşdirilmə səviyyəsinin yenidən yüksəldiyini göstərir".

Ekspert Cənubi Qafqaz regionunda yoluxmanın növbəti dalğasının yayda görünəcəyi barədə fikrini aşağıdakı formada əsaslandırıb:

"Baxın, hamı yorulub, hamı təmiz hava istəyir. İndi yazdır, tezliklə yay, tətil, çimərlik mövsümü başlayır. Ancaq koronavirus da pusqudadır. Gürcüstan və Azərbaycanda kifayət qədər peyvənd olunmamış insanlar var. Bundan əlavə, bir çoxları Çin peyvəndi ilə vaksinasiya olunub, hansı ki, xüsusilə də "Delta" və "Omikron" variantlarına qarşı çox təsirli olduğu sübut edilməyib. Bunu Sinqapur və Honkonq üzrə məlumatlar göstərib.

Eyni zamanda, Şərqi Avropada əhalinin əksəriyyəti koronavirusu asimptomatik formada keçirib. Əhalinin immun müdafiəsi var. Amma bizdə tam vaksinasiya olmadı və bu isə çox vacibdir.

Bu məsələdə mən həmişə Türkiyəni misal çəkirəm. Türkiyə Cümhuriyyəti hökuməti çox düzgün qərar verdi. Onların Çin peyvəndi var idi, lakin sonra "BioNTech"-"Pfizer"ə keçdilər. Türkiyə vətəndaşlarının təxminən 90%-i "Pfizer"lə peyvənd olunub. Çoxları beş doza vurdurub - iki Çin istehsalı, sonra üç "Pfizer". Türkiyə çox düzgün addım atdı, ondan nümunə götürməliyik".



Starxeber Bizi instagramda izləyin




Bütün Xəbərlər