Operativ24.az xəbər verir ki, Azərbaycan Qida Təhlükəsizliyi Agentliyinin (AQTA) təşəbbüsü ilə keçirilən tədbirdə Kənd Təsərrüfatı, Ekologiya və Təbii Sərvətlər nazirliklərinin əməkdaşları tərəfindən Binəqədi rayonunun Xocahəsən qəsəbəsində ağac əkilib.

Keçirilən aksiya zamanı Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.

AQTA-nın Aparat rəhbəri Elxan Mikayılov bildirib ki, aksiyada əsas məqsəd dünya ölkələrinin diqqətini bitki sağlamlığı məsələsinə çəkmək, aclıqdan əziyyət çəkən ölkələrdə ərzaq təminatının səviyyəsini yaxşılaşdırmaqdan ibarətdir.

Qeyd edək ki, ictimaiyyətin bitkilərin mühafizəsinə cəlb edilməsi, bitki zərərvericiləri və xəstəliklərinin məhsul itkisinə səbəb olması barədə maarifləndirilməsi, sağlam bitkilərin ekosistemə müsbət təsiri və qida təhlükəsiziliyinin vacibliyinin diqqətə çatdırılması məqsədilə hər il may ayının 12-si Beynəlxalq Bitki Sağlamlığı Günü kimi qeyd olunur.