Aktrisa Pərvin Abıyevanın sosial şəbəkədə əlində içki olan görüntüləri yayılıb.

operativ24.az xəbər verir ki, əvvəlcə rəfiqəsi, model Səmra Hüseynova ilə İstanbul-Bakı aviareysində spirtli içki qəbul edən Pərvin daha sonra hava limanında qəribə görüntülər sərgiləyib.

“Show news” səhifəsi isə Aysel Qəribova adlı xanımın İnstaqram hesabında aktrisanın çamadanların üstünə çıxıb, qışqırması barədə iddialar irəli sürüb.

“Bu gün Bakı aeroportunda maraqlı halla qarşılaşdım. Bizimlə birlikdə 2 məşhur və bir "modelfason" qız Istanbuldan Bakıya gəlirdi.

Fotodakı Nazilə xanım çox mədəni və sakit şəkildə pasport nəzarətindən keçib getdi. Ancaq çox məşhur aktrisamız və modelfason qız özlərini düzgün olmayan şəkildə aparırdılar, hər kəsin gözü önündə çamadanın üstünə çıxıb, qışqırırdılar. İçkinin təsiri altında olan bu aktrisa ilə modeli ətrafda çox adam lentə aldı” deyə, Aysel qeyd edib.

Qeyd edək ki, ötən gün İstanbuldan Bakıya gələn təyyarədə şairə Nazilə Səfərli də olub.