Polşanın "Legiya” klubu futbolçulara edilən hücumla bağlı açıqlama verib.

Operativ24.Az  klubun rəsmi saytına istinadən xəbər verir ki, aqressiv davranan bir qrup insanın hərəkəti pislənib.

Bildirilib ki, mühafizə tədbirlərinə baxmayaraq, nəqliyyat vasitəsi müvəqqəti saxlanılıb, daha sonra bir neçə nəfər avtobusa daxil olaraq futbolçulara qarşı aqressivlik nümayiş etdirib: "Polisin müdaxiləsi nəticəsində qrup dərhal dağıdılıb. Hadisənin təfərrüatları dünən iş üzrə rəsmi açıqlama verən polislə dəqiqləşdirilib. Klub hadisəyə son dərəcə ciddi yanaşır və onun tam araşdırılmasına çalışır. Eyni zamanda, emosiyaların səviyyəsindən asılı olmayaraq, idmanda yer ola bilməyən aqressiyanın bütün növlərini qətiyyətlə pisləyirik. Bu cür hərəkətləri yolverilməz və zərərli hesab etdiyimizi vurğulayırıq. Biz bu insidentin hallarını aydınlaşdırmaq və əlavə lazımi tədbirlər görmək üçün polislə işləyirik. Hazırda oyunçularla danışırıq, bundan sonra gələcək rəsmi addımlar barədə birgə qərar verəcəyik. Biz həmçinin klub məkanları daxilində və ətrafında təhlükəsizlik tədbirlərini daha da artırmaq üçün dərhal qərarlar qəbul etdik”.

Xatırladaq ki, hücuma məruz  qalan futbolçulardan biri də Azərbaycan millisinin üzvü Mahir Emreli olub. Onun başından xəsarət aldığı deyilir./sferq.az