Müğənni Damla sözün əsl mənasında tamaşaçılarını təəccübləndirməyi bacarıb.
Operativ24.Az xəbər verir ki, “Tar” adlı RnB janrında ifa etdiyi yeni mahnısında Damla ənənəsini pozaraq özünün həyat tərzinə tamam yad olaraq rejissor Delee Oruclunun kamerası önünə əlində içki və siqaret ilə keçib.
Dərdli, problemlər içində qalan tənha qadın obrazını müğənni mükəmməl dərəcədə canlandırmağı bacarıb.
Müğənninin bu görünüşü sosial şəbəkədə xeyli marağa və müzakirələrə səbəb olub.
Klipin sonu isə son dövrlər gündəmi zəbt edən intihar hadisələrini xatırladır. Belə ki, sonda qəhrəman canına qəsd edir.
Qeyd edək ki, mahnının söz və musiqisi YAP10-a aiddir. Klip çəkilişləri zamanı sənətçinin imici üzərində stilist Elnur Həsənov çalışıb.