10 noyabr müasir Türkiyə Cümhuriyyətinin qurucusu, Türkiyənin ilk prezidenti, görkəmli dövlət xadimi, marşal Mustafa Kamal Atatürkün anım günüdür.
Operativ24.Az xəbər verir ki, Mustafa Kamal Atatürkün ölümündən 83 il ötür.
M.K.Atatürk 1881-ci ildə indiki Yunanıstanın Selanik şəhərində dünyaya gəlib. 1923-cü il oktyabrın 29-da Osmanlı İmperiyasını ləğv edərək yerinə Türkiyə Cumhuryyətini elan edib. Türkiyənin ilk prezidenti, görkəmli dövlət xadimi, marşal, 1919-cu ildə başlayan Türk Qurtuluş Savaşının öncüsüdür. O, daha sonra müasir Türkiyəni formalaşdıran bir sıra islahatlar həyata keçirib.
Ömrünün sonuna qədər 4 dəfə Türkiyə prezidenti olub. Türkiyə tarixində hələ ki, bu vəzifəni ondan daha uzun müddətə daşıyan prezident olmayıb.
Şərəfli tarix yolu keçən Mustafa Kamal Atatürk 10 noyabr 1938-ci il saat 09:05-də serroz xəstəliyindən İstanbulda Dolmabağça sarayında vəfat edib.
Cənazəsi 21 noyabr 1938-ci ildə müvəqqəti olaraq Ankara Etnoqrafiya Muzeyində dəfn edilib. Mavzoleyi tikildikdən sonra 10 noyabr 1953-cü ildə oraya köçürülüb.