Siyasət
7.11.2021
80
Türkiyə Prezident Administrasiyasının Kommunikasiya İdarəsinin rəhbəri Fəxrəddin Altun Radio və Televiziya işçilərinin peşə bayramı günü münasinətilə təbrik ünvanlayıb.
Operativ24.Az xəbər verir ki, təbrik mətnində deyilir:
“Hörmətli media nümayəndələri, Azərbaycanın ədalətli mübarizəsini hər gün bir addım daha irəli aparan Radio və Televiziya işçilərinin peşə bayramı gününüz mübarək olsun. Sizin media fəaliyyətiniz Qarabağın azad olunması prosesində mühüm rol oynayıb. Siz dezinformasiyaya qarşı haqq və həqiqət uğrunda mübarizə apardınız.
Bu informasiya mübarizəsində biz də iştirak etdik və birlikdə mübarizə apardıq. Bu səylərimiz komunikasiya sahəsində də çox müsbət nəticələr verdi. Qlobal media orqanları tərəfindən edilən qara təbliğat və dezinformasiyanı birlikdə iflasa uğratdıq. İnanıram ki, aparılan ədalətli mübarizə artıq tarixə keçmişdir.
Bütün dünya Qarabağ müharibəsində aparılan uğurlu informasiya prosesindən danışır. Bu uğurdan böyük sevinc hissi keçirirəm. Bu münasibətlə sizi Radio və Televiziya işçilərinin peşə bayramı günü münasibətilə təbrik edir, hamınızı sevgi ilə salamlayıram”.
Bizi instagramda izləyin
