"Mançester Siti" səfərdə "Mançester Yunayted"i məğlub etdi

Futbol üzrə İngiltərə Premyer Liqasının XI turunda Mançester derbisi baş tutub.

Operativ24.Az xəbər verir ki, prinsipial oyunda "Mançester Yunayted" "Mançester Siti"ni qəbul edib.

"Old Trafford"da keçirilən qarşılaşma qonaqların 2:0 hesablı qələbəsi ilə başa çatıb.

Görüşdə hər 2 qol ilk hissədə vurulub. 7-ci dəqiqədə Erik Bayi topu öz qapısından keçirib. 45-ci dəqiqədə isə Bernardu Silva matçda yekun hesabı müəyyənləşdirib.

Bu qələbədən sonra xallarını 23-ə çatdıran "şəhərlilər" 2-ci pilləyə yüksəlib. 17 xalı olan "qırmızı şeytanlar" isə 5-ci sırada qalıb.


Showxeber Bizi instagramda izləyin



İdman 6.11.2021 23
Bütün Xəbərlər