Sosial
15.10.2021
242
Tovuz rayonunda Vətən Müharibəsi şəhidlərini təhqir etdiyi deyilən şəxsi üzr istəməyə məcbur edənlər saxlanılıb.
Operativ24.Az-ın məlumatına görə, DİN Mətbuat xidmətinin Gəncə regional qrupunun baş inspektoru, polis baş leytenantı Eşqin Qasımov açıqlamasında bildirib ki, sosial şəbəkələrdə Tovuz rayon sakini A. İ.un sərxoş halda Vətən Müharibəsi şəhidi barədə nalayiq ifadələr işlətdiyinə görə bir qrup şəxs tərəfindən döyülərək qəbiristanlıqda şəhid məzarlarından üzr istədilməsi haqda görüntülər yayılıb: “Məsələ ilə əlaqədar Tovuz rayon Polis Şöbəsində müvafiq araşdırmalar aparılıb və hadisəni törətməkdə şübhəli bilinən rayon sakinləri-Taleh Hüseynov, Sürət Məmmədov, Tural Əhmədov, Elşad Rzayev, Elnur Bayramov, Əli Hüseynzadə və Telman Nağıyev saxlanılıb”.
Hazırda RPŞ-də araşdırmalar davam etdirilir.
Qeyd edək ki, həmin görüntülərdə orta yaşlı bir kişinin təhqir edilərək diz çökdürülməsi, daha sonra üzr istədilməsi əks olunmuşdu./redaktor.az