Sosial
28.09.2021
624
Qarabağda 20-dən çox sahibkar elektrik enerjisi təchizatı üçün onlayn formada müraciət edib.
Operativ24.az xəbər verir ki, bunu qurumun “ASAN Xidmət”lə iş və Elektron İdarəetmə Departamentinin direktor müavini İsa İsazadə Şamaxı "ASAN Həyat" kompleksində keçirilən konfransda deyib.
İ.İsazadə bildirib ki, "Azərişıq" ASC-nin yaratdığı elektrik şəbəkəsinə onlayn formada müraciət edən əhali və qeyri-əhali abonentinin enerji təchizatı şəbəkəsinə qoşulma mümkündür. Ötən illə müqayisədə bu il onlayn müraciətlərdə 50 faiz artım müşahidə olunub, daha da artacağı gözlənilir.
“İşğaldan azad edilmiş ərazilərdə yerləşən xüsusi əhəmiyyətli obyektlərin və sahibkarlıq subyektlərin hər biri elektrik enerjisi ilə təmin olunur. Bu vaxta qədər Qarabağdan 20 sahibkardan elektrik enerjisi təchizatı üçün müraciət daxil olub. Onların 12-si Şuşa şəhərinin, qalanı isə digər şəhər və rayonların payına düşür. Bunlar əsasən iri market şəbəkələri, yanacaqdoldurma məntəqələri və digər böyük obyekt və müəssisələrin sahibləridir.
Konfransda “Azərişıq”ın mətbuat katibi Vaqif Aydınoğlu bildirib ki, regionda ilk dəfə olaraq Hadrutdan Şuşaya 35 kilovatlıq izolyasiya xətt vasitəsilə elektrik xətti çəkilib: “İzolyasiya xəttinin bir çox üstünlükləri var.
Belə ki, bu xəttin mühafizə ərazisi kiçikdir, soyuğa dözümlü daha keyfiyyətlidir”.