10:46 Daim 23 yaşında qalacaq Albert Aqarunov  |     14:17 Azərbaycan və Gürcüstan xalqları əsrlər boyu Cənubi Qafqaz regionunda dostluq, qardaşlıq, mehriban qonşuluq şəraitində yaşayırlar  |     19:22 Kamilə Əliyeva: "Azərbaycan son dövrlər mütəmadi olaraq nüfuzlu beynəlxalq Forumlara ev sahibliyi edir"  |     11:21 Planlarına ikinci baharı yaşadacaq kredit təklifi!  |     11:20 Qanunvericiliyin tələblərini pozan internet provayderlər barəsində məsuliyyət tədbiri görülüb  |     10:31 Emin Əmrullayev öz qələmini necə qırır... - Üzrü günahından betər  |     18:13 “Nar” sərfəli mobil operator mövqeyini qoruyur  |     11:43 Şəhid ailələri və qazilərə həsr olunmuş Novruz şənliyi  |     16:06 Kamilə Əliyeva: Azərbaycan Respublikasının Milli Məclisi də ölkəmizdə aparılan islahatlardan kənarda qalmadı  |     14:22 Samirə Qasımovanın doğum günüdür!  |     16:08 Bakı Milli Geyim Evi Parisdə - Qarabağın milli geyimləri nümayiş etdirilib  |     15:27 İlham Əliyev hər zaman Azərbaycan qadınlarının ölkəmizin ictimai-siyasi həyatında fəal rol oynamalarına böyük diqqət ayırır  |     10:38 “Loqos” Psixoloji və Nitq Mərkəzi 10 yaşını qeyd edib  |     17:28 “Nar” Qarabağda infrastrukturun genişləndirilməsi üçün keçirdiyi layihələrə görə mükafata layiq görülüb  |     14:56 “Sağlamlığın Qorunması” İctimai Birliyi və TƏBİB arasında memorandum imzalanıb  |     13:41 “CineMastercard” kinoteatrında çoxdan gözlənilən “Dune 2” ScreenX-də  |     18:24 Ailə, Qadın və Uşaq Problemləri üzrə Dövlət Komitəsi və “AzerGold” QSC arasında birgə əməkdaşlıq haqqında Memorandum imzalanıb  |     18:15 “İMZA”-da yeni təyinatlar olub  |     18:08 Rəna Əkbərova yeni vəzifəyə təyin olunub  |     18:06 Azərbaycan oftalmoloqlarının İndoneziya səfəri başa çatıb  |    
Fransız alimlər araşdırma aparıb
Dünya 23.09.2021 250

Siqaret çəkənlər koronavirusa daha az yoluxurlar

Fransada aparılmış bir araşdırma nikotinin COVİD-19 virusunun orqanlara yapışmasının qarşısını aldığı və siqaret çəkənlərin virusa qarşı daha yüksək müdafiəyə malik olduğu iddiasını irəli sürür. Bu, nə dərəcədə doğrudur və elmi təsdiqi varmı? Məlumdur ki, koronavirus həyatımıza daxil olandan siqaret çəkənlərin xəstəliyi daha yüngül keçirdiyi, siqaret tüstüsünün virusun ağ ciyərlərə, bronxlara, nəticə etibarilə ümumən orqanizmə düşməsinin qarşısını aldığı barədə danışılır.

Bu mübahisə hələ də bitməyib. Siqaret çəkənlər sanki özlərini daha çox güvəndə hiss edirlər. Halbuki, siqaretin orqanizmin bir nömrəli düşməni, ən ağır xəstəliklərin mənbəyi olması, siqaret asılılığı olanların koronavirusu daha ağır keçirməsi, nəfəsalmada böyük çətinlik yaşamaları, ağ ciyərlərin məhv olması  məlum faktlardır.  
Çin “yox”, Fransa “hə” deyir 

Bu haqda Almaniyanın “Deutsche Welle” (Türkcə) saytında məlumat yerləşdirilib. Çində nəşr olunan tibb jurnalında yayımlanmış elmi araşdırmada qeyd edilir ki, siqaret çəkənlər COVİD-19-u uzun müddət, həm də ağır keçirir, ölüm riski də artır. Lakin Fransanın Pasteur Jean-Pierre Changeaux İnstitutunun neyrobioloqları apardıqları araşdırmada başqa nəticələr əldə ediblər. İnstitutun alimləri bildirir ki, nikotin zənciri vasitəsilə COVİD-19 viruslarının qarşısını almaq mümkündür. “Qeios” elmi portalında bu mövzuyla bağlı daha ətraflı məlumat verilir. Fransız tədqiqatçılar əldə etdikləri nəticənin Çində aparılan tədqiqatların nəticələri ilə əkslik təşkil etdiyini bilir. Lakin bildirirlər ki, qeydiyyata aldıqları koronavirus xəstələri arasında siqaret çəkənlərin sayı olduqca azdır. Fransız tədqiqatçılar 500 COVİD-19 xəstəsi üzərində araşdırma aparıb, onlarda 150 nəfərin xəstəliyi yüngül keçirdiyi, 350 nəfərin də xəstəxana şəraitində müalicə olunduğunu müəyyən ediblər. Fransa Xəbər Agentliyi – AFP-yə müsahibə verən daxili xəstəliklər üzrə həkim Zahir Amoura araşdırmaya cəlb olunan xəstələr arasında siqaret çəkən cəmi 5 nəfərin olduğunu vurğulayıb. Yaş və cinsi fərqlilikləri də əlavə etməklə, toplamda siqaret çəkənlərin ümumi sayına baxdıqda, COVİD-19 xəstələri arasında siqaret çəkənlər 80 faiz daha azdır. Buna bənzər araşdırma İtaliyada da aparılmışdı. “Giuseppe Lippi və qrupu”nun tədqiqatında da siqaret çəkənlərin çəkməyənlərə nisbətən koronavirusa daha az yoluxduğu nəticəsi ortaya çıxmışdı.  
Nikotin qoruyucudurmu? 

Fransa alimləri məhz bu fikirdədir ki, nikotin COVİD-19-a qarşı müdafiə effektinə malikdir. Tədqiqatçılar “nikotin COVİD-19-un obyekt seçdiyi hüceyrə reseptorlarına yapışaraq virusun ora yerləşməsinin qarşısını alır”. Yəni belə demək mümkünsə, nikotin olan yerdə daha başqa virusa yer qalmır. Virus yapışmaq üçün boş dəlik-deşik tapmır. Bu hipotez hazırda Parisin La Pitie-Salpetriere Xəstəxanasında araşdırılır.   
Əks fikirlər daha güclüdür

Elm adamları ACE2 reseptorlarının virusu bloklamaq kimi bir gücə sahib olmasına dair ortaq fikirdə deyillər.   ABŞ-dakı Virginia-Fairfaxda çalışan nevroloqlar James L.Olds və Nadine Kabbani bu məsələdə fərqli düşünürlər. Onlar apardıqları araşdırmalarda nikotinin, əksinə, hüceyrə reseptorlarına mənfi təsir etdiyini, zərər verdiyini irəli sürürlər. Nikotin sayəsində virusun hüceyrələrlə təmasının daha da asanlaşdığı iddiasını irəli sürən elm adamları var. Kimin, hansı hipotezin doğru olduğu, yəqin ki, qarşıdakı illərdə aparılacaq elmi araşdırmalarda bilinəcək. Lakin istisnasız olaraq bütün həkimlər tütündən istifadənin çox riskli olduğu qənaətindədir.   Koronavirusun siqaretdən zərər görən ağ ciyərlərə daha ağır təsir etdiyi məlumdur. Bu səbəbdən alimlər siqaretdən tez bir zamanda imtinanı məsləhət görürlər. Siqaret çəkmək orqanizmdə xərçəngin yaranmasına səbəb olan maddələrin orqanizmə daxil olmasını sürətləndirir.  Nikotinin bir zəhər olduğu unudulmamalıdır. Siqaret çəkən insan hər nəfəsdə 1-3 milliqram arası nikotin qəbul edir. Bir siqaretin tərkibində isə ümumilikdə 12 milliqram nikotin var.  Orqanizmə zərər verən bir maddənin hansısa xəstəliyə qarşı ola biləcəyini düşünüb yanlış addımlar atmaqdansa, siqareti atmaq daha xeyirlidir. 

Məlahət Rzayeva 






Starxeber Bizi instagramda izləyin